Shymkent qalasynyń Abaı aýdany aýmaǵyndaǵy Igilik turǵyn alabynda «Qarlyǵash» turǵyn úı kesheniniń qurylysy júrgizilýde. Qala ákimi jeke ınvestor esebinen salynyp jatqan turǵyn úı kesheniniń qurylys jumystarynyń barysyn aralap kórdi.
Turǵyn úı kesheni jeke ınvestor «Beren» (BATSÝ) JSHS esebinen salynýda. Joba quny – 3 mlrd teńge. 5 qabatty 4 turǵyn úıdiń jalpy alańy – 12 myń sharshy metr.
Qurylys jumystary 2021 jyldyń 3 toqsanynda bastaldy. Jeke ınvestorlar qurylysty 2022 jyldyń 2 toqsanynda aıaqtaýdy josparlaýda. Bas merdiger «SK Stroıındýstrıa» JSHS alty aıda baspana kiltin turǵyndarǵa tabys etpek.
Qala ákimi nysandardyń sapaly ınfraqurylymmen qamtamasyz etilýin jiti qadaǵalaýdy tapsyrdy.
