Shymkentte jol qozǵalysy qaýipsizdigin qamtamasyz etý jáne jol apattarynyń aldyn alý maqsatynda qala kóshelerine jol tańbalary syzyldy. Mundaı jańartý jumystary qoldanystaǵy standarttarǵa sáıkes turaqty túrde atqarylady.

Shahardaǵy asfált joldyń jalpy uzyndyǵy – 2029,2 shaqyrymdy quraıdy. Jyl basynan beri qalada kólikterdiń jol qozǵalysyn retteý, jol-kólik oqıǵalarynyń aldyn alý maqsatynda 215 shaqyrym jol tańbalary syzyldy. 150 shaqyrym termoplastıkpen, qalǵan 65 shaqyrymdy akrıldi boıaýmen syzý jumystary atqaryldy.

Sonymen qatar, Abaı aýdany boıynsha 12 orynda, Ál-Farabı aýdanynda 36 oryn, Eńbekshi aýdanynda 17 jáne Qarataý aýdany aýmaǵynda 3 orynda jol tańbalaryna kedergi keltiretin aǵash oryndary aýystyryldy.