Qarataý aýdanynda jalpy 1632 kásipkerlik nysan bar. Bıylǵy jylǵy toǵyz aıdyń qorytyndysymen aýdandaǵy salyq túsimi boıynsha mejelengen jospar 114 paıyzǵa oryndalyp, búdjetke 1,3 mlrd.teńge artyq ѳndirilgen.

Jeke tulǵalardyń múlik salyǵy 199 paıyzǵa, jer salyǵy 89 paıyzǵa oryndalǵan. Qosymsha 1 mln teńge ózge kiris kózderinen túsken. Bul týraly qala basshysy M. Áıtenovke aýdan ákimi esep berý jıynynda baıandady.

Osy merzim ishinde aýdannyń ınfraqurylymdyq jáne kásipkerlik baǵyttaryna 26 mlrd. teńge ınvestısıa tartylyp, bıylǵy jospar tolyǵymen oryndalǵan. 132 joba engizilip, 1200 jańa jumys orny ashylǵan.

Murat Áıtenov: «ekonomıkanyń órkendeýine kásipkerlerdiń qosar úlesi zor, sondyqtan bızneske jaǵdaı jasaý kerek. Qaǵazbastylyqty barynsha qysqartyp, azamattarǵa bızneske arnalǵan memlekettik baǵdarlamalar týraly túsindirip, ınvestısıa tartýǵa jumys isteńizder»,- dedi.