Qazgıdromet 18-20 qarashaǵa arnalǵan aýa raıy boljamyn jarıalady.

18-19 qarashada Atlantıkalyq sıklon jáne atmosferalyq fronttar áserinen Qazaqstannyń basym bóliginde turaqsyz aýa raıy saqtalady, jaýyn-shashyn (qar) bolady.

Shyǵys Qazaqstan oblysynyń soltústik-shyǵysynda qatty jaýyn-shashyn bolady dep kútiledi. Respýblıka boıynsha tuman, kóktaıǵaq, sondaı-aq soltústik óńirlerde burqasyn bolyp, ekpindi jel kútiledi.

20 qarashada sýyq soltústik-batys antısıklony áserinen respýblıkanyń basym bóliginde jaýyn-shashyn toqtaıdy, alaıda eldiń batysy men soltústik-batysynda kezekti sıklon yqpalymen qaıtadan jaýyn-shashyn (jańbyr, qar) túsedi.

"Aýa temperatýrasynyń aýytqýy Qazaqstannyń batysynda túnde 0-5 gradýstan, kúndiz 5-10 gradýsqa deıin tómendeıdi. Soltústik-batysta, soltústikte, ortalyqta túnde 5-15-ten kúndiz 15-25 gradýsqa deıin aıazǵa bolady. Ońtústik óńirlerde túnde 5-13 gradýstan, kúndiz  8-16 gradýsqa deıin, shyǵysta túnde 2-10 gradýstan, kúndiz 15-25 gradýsqa deıin aıaz bolady" delingen habarlamda.