Germanıa kansleri Angela Merkel aımaq basshylarymen Kovıd daǵdarysy jónindegi kezdesý aldynda  "dramalyq" tórtinshi Kovıd tolqyny kele jatqanyn aıtty.

Sársenbide Germanıada kúndelikti vırýs juqtyrý sany 52826-ǵa jetip, jańa rekord tirkeldi.

Al Belgıa lokdaýn boldyrmaý úshin birqatar sharalardy jarıalady.

"Barlyq dabyl sıgnaldary qyzyl" dedi premer-mınıstr Aleksandr De Kro. Ol adamdarǵa jeke baılanystardy shekteýdi aıtty.

"Eýropa kartasy tez qyzylǵa aınalady, biz de solaımyz" dedi ol.

Belgıada balalar  qazirgi sharalar boıynsha 12 jastan emes, 10 jastan bastap maska kıýge mindettelmek. Senbiden bastap aptasyna tórt kún úıde jumys isteý engizilmek. Teatrlarda, kınoteatrlarda jáne murajaılarda "Covid Safe" bıletteri dep atalatyn bıletter qajet bolady.

Úshinshi ekpe 2022 jyldyń sáýir aıynyń sońyna qaraı barlyq belgıalyqtar úshin engiziledi.

Dúısenbide ekpe almaǵan eki mıllıonǵa jýyq adamǵa tosqaýyl qoıǵan Avstrıa sársenbide kúndelikti ınfeksıalardyń rekordtyq kórsetkishi týraly habarlady. Rekordtyq jaǵdaılar týraly habarlaǵan Nıderlandy ishinara lokdaýn engizdi.

Shvesıa 1 jeltoqsannan bastap alǵash ret 100-den astam adam qatysatyn konsertter men basqa da jabyq is-sharalar úshin Kovıdke qarsy vaksınasıa bıletin engizedi. "Vaksınasıalanbaǵandar ádettegideı júre almaıdy; sizdiń eń mańyzdy úlesińiz - vaksınasıalaný" dedi sharany qabyldaǵan áleýmettik ister mınıstri Lena Hallengren. Degenmen ol Shvesıa álemniń basqa elderinen oqshaýlanbaǵanyn aıtty.

Chehıanyń premer-mınıstri Andreı Babıs vaksına saldyrmaǵan kez kelgen adamǵa qoǵamdyq is-sharalarǵa nemese qyzmetterge kirýge tyıym salynatynyn aıtty. Dúısenbiden bastap teris synaqtar budan bylaı jetkiliksiz bolady.

Sársenbide rekordtyq 8,342 jaǵdaı tirkelgen kórshiles Slovakıa osyndaı sharalardy josparlap otyr: "Jumys oryndary men mańyzdy emes dúkender tek vaksınasıalanǵan qyzmetkerlerge nemese saýyǵyp ketkenin dáleldeı alatyn adamdarǵa ǵana qol jetimdi bolady" deıdi premer-mınıstr Edýard Heger.

Vaksınasıa deńgeıi kontınentte ártúrli. Slovakıanyń vaksına qabyldaý deńgeıi eń tómen bolyp, 44%-dy qurady. Bul Chehıada 58%, Avstrıada 65% jáne Germanıada 68%.