Shymkent qalasynyń ákimi Murat Áıtenovtiń tóraǵalyǵymen sanıtarlyq-epıdemıologıalyq ahýal jónindegi shtab otyrysy ótti. Jıynda qalalyq densaýlyq saqtaý basqarmasynyń basshysy Baqytjan Pozılov shahardaǵy epıdemıologıalyq ahýaldy jáne birqatar ózekti máselelerdi baıandady.

Qalada epıdemıologıalyq ahýal turaqty. Shymkent qalasy búgingi tańda epıdemıologıalyq jaǵdaı boıynsha «sary aımaqta» ornalasqan.
Basqarma basshysynyń aıtýynsha, qalada 40-tan astam bekette vaksınalaý júrgizilýde. Egý naýqany bastalǵaly barlyǵy 558 108 adam vaksınalandy. Onyń ishinde 526 313 adam ekpeniń eki komponentin aldy.
Azamattarǵa vaksınanyń Spýtnık, QazCOVID-In, Hayat-Vax, CoronaVAC, Vero CELL túrleri egilýde.

Qala ákimdigi janynan ashylǵan call-center táýlik boıy jumys isteýde. Búginde qalada ASHYQ jobasyna qosylǵan bıznes sýbektileriniń sany 8 828-ge jetti. 715 turǵynnan «sary» statýs, 2030 turǵynnan «qyzyl» statýs anyqtalǵan.

Sondaı-aq, búginge deıin barlyq aýdan boıynsha 47 208 nysanǵa tekserý jumystary júrgizildi. Onyń ishinde 2674 karantındik talaptardy buzý faktileri tirkelip otyr.

Qala ákimi turǵyndarǵa vaksınalaýdyń mańyzdylyǵyn túsindirý jumystaryn kúsheıtý qajettigin málimdedi.