Shymkent qalasy ákiminiń tapsyrmasyna sáıkes, Erǵalı Bilisbekov kúrdeli jóndeýden ótip jatqan úılerdi aralap, turǵyndarymen kezdesti.

Ákim orynbasary eń aldymen «Kúnshyǵys» shaǵyn aýdanyndaǵy №21 úıdiń kúrdeli jóndeý jumystarymen tanysty. Shırek ǵasyrdan astam ýaqyt jóndeý jumystary júrgizilmegen 60 páterli turǵyn úı búginde tolyǵymen qaıta jańǵyrtylyp otyr.

Úı tóraıymy Jamılá Dosbolovanyń bul úıde turǵanyna 14 jyl bolǵan. Sońǵy kezderi shatyrdan jańbyr ótip, ábden ábigerge túskenderin aıtady. Ózekti máseleniń sheshimi tabylyp, tozyǵy jetken turǵyn úıdiń qaıta jańǵyrǵanyna qýanyshty.

E.Bilisbekov №17 úıdiń de jumys sapasyn baqylady. Turǵyndary biraýyzdan ortaq sheshim qabyldap, kúrdeli jóndeý jumystaryna kelisim bergen. Nátıjesinde jergilikti búdjet esebinen qarajat bólinip, kúrdeli jóndeý jumystary qaıtarymdy negizde júrgizilýde.

Bıyl qalada «Nurly jer» baǵdarlamasy aıasynda 25 kóppáterli turǵyn úıge kúrdeli jóndeý jumysyn júrgizý josparlanǵan. Nátıjesinde eskirgen úılerdiń shatyry men ınjernerlik komýnıkasıa júıeleri jańartylyp, jertóleleri qaıta jóndelýde.

Turǵyn úı qoryn saqtaý jáne tıisinshe paıdalaný sharalaryna sáıkes, qalada komýnaldyq turǵyn úı qoryndaǵy 11 kópqabatty turǵyn úıge aǵymdaǵy jóndeý jumystaryn da júrgizý qarastyrylǵan. Jóndeý jumystaryn taıaýda tolyǵymen aıaqtaý josparlanýda.