Shymkentte osy jyldyń 3 qarashasynda qalalyq ınfeksıalyq ortalyǵyna 41 jastaǵy turǵyn Jibek Batyrova aýyr jaǵdaıda túsken bolatyn. Dárigerler naýqasty birden jansaqtaý bólimine jatqyzyp, tekserý jumystaryn júrgizgen.

Kompúterlik tomografıa naýqas ókpesiniń 80-% zaqymdalǵanyn kórsetken. Buǵan qosa naýqasta İİ-dárejeli tynys jetispeýshiligi bolypty.

Infeksıalyq aýrýhanaǵa jetkizilgenge 6 kún syrqattanǵan. Úsh kún «Meıirim» klınıkasynda em alyp, densaýlyǵynyń durystalmaýyna baılanysty Shymkent qalalyq juqpaly aýrýlar ortalyǵyna jedel járdem qyzmeti arqyly aýystyrylǵan.

«Naýqastyń túsken kezdegi jaǵdaıy óte aýyr boldy. Ókpesiniń 80-paıyzy zaqymdalǵan. Onymen qosa tynys alý jetispeýshiligi de boldy. Aýyrǵanyna 1-aptadaı bolǵan. Onyń sońǵy 3-kúninde Meıirim klınıkasynda em alǵan. Naýqasty birneshe dáriger bolyp qaradyq. Emdeý hattamasy boıynsha tolyq em aldy. Sonyń arqasynda jaǵdaıy durystalyp, ómirine eshqandaı qaýip tónip turǵan joq» –deıdi juqpaly aýrýlar ortalyǵynyń jaýapty dárigeri Beken Syrbekuly.

Naýqastyń qazirgi jaǵdaıy jaqsy. Densaýlyǵy jaqsarǵan naýqasty dárigerler úıine búgin úıine shyǵardy.

Shymkent qalasy ákimdiginiń baspasóz qyzmeti