AQSH prezıdenti Djo Baıden 2022 jyly Beıjińde (Qytaı) ótetin qysqy Olımpıada oıyndaryna AQSH dıplomatıalyq boıkot jarıalaýdy qarastyratynyn aıtty.

Meksıka jáne Kanada basshylarymen kelissózder aldynda "Bul – biz qarastyryp jatqan nárse" dedi Baıden jýrnalıserge.

Dıplomatıalyq boıkot oıyndarǵa AQSH sheneýnikteriniń jiberilmeıtinin bildiredi. Bul sheshim AQSH-Qytaı qarym-qatynasyndaǵy shıelenistiń artýy tusynda qabyldandy.

Dúısenbide Baıden men Qytaı basshysy Sı Szınpın vırtýal kelissóz ótkizgen.

Baıdenniń baspasóz hatshysy Djen Psakı AQSH pen Qytaı basshylary úsh saǵattyq kezdesýde Olımpıadany talqylamaǵanyn aıtty.

Demokratıalyq jáne Respýblıkalyq zań shyǵarýshylar Qytaıdaǵy adam quqyqtarynyń buzylýyna narazylyq bildirý quraly retinde dıplomatıalyq boıkot jarıalaýǵa shaqyrdy.

Halyqaralyq uıymdar jáne kóptegen demokratıalyq elder Qytaıdy "Shyńjań avtonomıasynda turatyn uıǵyr, qazaq sıaqty musylman azshylyqtarǵa genosıd jasady" dep aıyptaıdy.

Sonymen qatar, Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıdi.