Shymkentte «táýelsizdik – máńgilik el tuǵyry» atty halyqaralyq ǵylymı-tájirıbelik konferensıa ótip jatyr

/image/2021/11/19/crop-47_31_665x887_8.jpg

Ońtústik Qazaqstan memlekettik pedagogıkalyq ýnıversıtetinde elimizge belgili tarıhshylar bas qosty. Joǵary oqý ornynyń uıymdastyrýymen Qazaqstan Táýelsizdiginiń 30 jyldyǵy men memleket jáne qoǵam qaıratkeri, etnograf ǵalym Ózbekáli Jánibekovtiń 90 jyldyq mereıtoıyna arnalǵan «Táýelsizdik – máńgilik el tuǵyry» atty halyqaralyq ǵylymı-tájirıbelik konferensıanyń jumysy bastaldy.

Konferensıanyń ashylý saltanatynda Qazaqstan Respýblıkasynyń Bilim jáne ǵylym mınıstri Asqat Aımaǵambetovtyń qatysýshy qonaqtarǵa joldaǵan quttyqtaýyn ýnıversıtet rektory ári jıynnyń moderatory Gúljan Súgirbaeva oqysa, qala ákimi Murat Áıtenovtiń jyly lebizi men quttyqtaý sózin ishki saıasat jáne jastar isteri jónindegi basqarmasy basshysynyń orynbasary Beksultan Ádilhanov jetkizdi.

Al QR Parlamenti Májilisiniń Áleýmettik-mádenı damý komıtetiniń múshesi, Bilim jáne ǵylymdy damytý jónindegi qoǵamdyq keńestiń tóraıymy Juldyz Súleımenova konferensıaǵa onlaın qosylyp, kópshilikti quttyqtady. Atalǵan basqosý Ózbekáli Jánibekovtiń memleket pen qoǵam aldynda qolǵa alyp, júzege asyrǵan qyrýar jumystaryn jan-jaqty talqylap, jurtshylyqqa belgisiz keıbir tarıhı oqıǵalar men jaǵdaılardy zerdeleýde mańyzdy ekenin atap ótti.

Ǵylymı basqosýda elimiz Táýelsizdik alǵan 30 jyl ishindegi jetken jetistikteri men damý joldary aıshyqtalyp, memleket jáne qoǵam qaıratkeri, etnograf ǵalym Ózbekáli Jánibekovtiń azamattyq, qaıratkerlik bolmysy, ulttyq qundylyqtar men mádenıet, óner salasynyń jańǵyrýyna qosqan súbeli isteri saralandy.

Konferensıaǵa elimizge belgili qoǵam qaıratkerleri, halyq qalaýlylary, tarıhshylar men ǵalymdar qatysyp otyr.

Atap aıtsaq, olardyń qatarynda Qazaq ulttyq agrarlyq ýnıversıtetiniń «Rýhanı jańǵyrý» gýmanıtarlyq zertteýler ortalyǵynyń jetekshisi, QR Ulttyq ǵylym akademıasynyń akademıgi, tarıh ǵylymdarynyń doktory, profesor H.M.Ábjanov, Ál-Farabı atyndaǵy Qazaq ulttyq ýnıversıteti, Tarıh fakúltetiniń «Qazaqstan tarıhy» kafedrasynyń meńgerýshisi, QR Ulttyq ǵylym akademıasynyń akademıgi, tarıh ǵylymdarynyń doktory, profesor B.B.Káribaev, fılologıa ǵylymdarynyń doktory, profesor, jazýshy Q.S.Ergóbek, tarıh ǵylymdarynyń doktory, profesor Z.S.Samashev, Manash Qozybaev atyndaǵy Soltústik Qazaqstan ýnıversıteti» Basqarma tóraǵasy-Rektor keńesshisi, tarıh ǵylymdarynyń doktory, profesor A.Ǵ.Ybraeva.

OQMPÝ «Álem tarıhy jáne dintaný» kafedrasynyń profesory, tarıh ǵylymdarynyń doktory A.N.Podýshkın, sheteldik ǵalymdardan Túrkıa Respýblıkasynan, Mımar Sınan ýnıversıtetiniń profesory, tarıh ǵylymdarynyń doktory Osman Iorýlmaz, Polsha Respýblıkasynan, Pıleskıı ınstıtýty, Totalıtarızmdi zertteý ortalyǵy, Keńestik totalıtarızmge qatysty jobalardyń úılestirýshisi, gýmanıtarlyq ǵylymdar doktory E.R.Rogozınskıı, Reseı Ǵylym akademıasynyń Reseı tarıhy ınstıtýtynyń bas ǵylymı qyzmetkeri, tarıh ǵylymdarynyń doktory, profesor D.A.Amanjolovalar bar.

Qatysty tegter :

Pikir qaldyrý

Qatysty Maqalalar