Shymkent qalasy Eńbekshi aýdandyq jastar resýrstyq ortalyǵynda Qazaqstan halqy Assambleıasy janyndaǵy Analar keńesiniń «Analar ulaǵaty – urpaqqa  amanat» taqyrybynda jastarmen kezdesýi ótti.

Kezdesýde qoǵamdaǵy analardyń róli men jaýapkershiligi jáne urpaq tárbıesi týraly Shymkent qalalyq Eńbekshi aýdandyq Analar keńesiniń músheleri Alshynova Yntyzar, Jaqsylyqova Aıjamal, Nurǵalıeva Alıa, t.b.  sóz sóıledi.

– Qazirgi zamanaýı progrestiń kún sanap qarqyndy túrde alǵa jyljýy, qoǵamda buryn qalyptasqan pikirler men sterotıpterdiń ózgerýi, mádenıetter men salt-dástúrlerdiń ýaqyt talabyna saı yqshamdalýy, ǵalamtordaǵy suryptalmaǵan aqparattardyń qoljetimdiligi, jelik qýǵan jastardyń áleýmettik jelilerde saǵattap otyrýy, ata-analardyń óz deńgeıinde bala tárbıesine nazar aýdarmaýy, burynnan ulttyq tálim-tárbıeniń ózegi sanalatyn ata-áje syndy qoǵamdyq ınstıtýttyń álsireýi sekildi faktorlar jas býynnyń tárbıesine aıtarlyqtaı yqpal etýde – dedi óz sózinde Eńbekshi aýdandyq Analar keńesiniń múshesi Y.Altanova.

Osy baǵyttaǵy kezdesý sondaı-aq, Ál-Farabı aýdandyq jastar resýrstyq ortalyǵynda da  uıymdastyryldy.

Kezdesýde aýdandyq Analar keńesiniń tóraıymy Barlybaeva Tursynaı, múshesi Aqjigitova Urzada, Halılaeva Raıhan, t.b sózge shyqty. Kezdesý barysynda alýan oı-pikirlerge kezek berilip, án-jyrdan shashý shashyldy.