Shymkenttiń bas dárigeri, halyq qalaýlysy Mádına Ermahanbetova tul jetim jáne áleýmettik jaǵdaıy tómen otbasylardyń balalaryna arnap «Júrekten-júrekke» qaıyrymdylyq aksıasyn ótkizdi. Medısına qyzmetkeri jetkinshekterge merekelik dastarhan jaıyp, ata-analaryna azyq-túlik taratty. Aksıa QR Táýelsizdiginiń 30 jyldyǵyna oraılastyryp ótkizildi.

Madına Seıfýllaqyzy jaıǵan merekelik dastarhanǵa úı jaǵdaıynda bilim alatyn múmkindigi shekteýli balalar men ata-analary da shaqyryldy. Jalpy qaıyrymdylyq sharasyna 100-ge jýyq bala qatysty. Olarǵa túrli syılyqtar tartý etildi. Kesh barysynda balǵyndar teatrlandyrǵan kórinis tamashalap, án aıtyp, bı bıledi.

- Balalarǵa qamqorlyq kórsetýdi maqsat etken aksıa aıasynda olardyń boıyna meıirimdilik, qaıyrymdylyq uǵymdaryn qalyptastyrǵymyz keldi. Jetkinshekterdi kishipeıildilikke, baýyrmaldyqqa baýlýǵa úles qossaq degen oı boldy,- deıdi Madına Ermaǵanbetova.

Aıta keteıik, qalalyq gıperbarıalyq ottekteý ortalyǵynyń bas dárigeri Madına Ermaǵanbetovanyń bastamasymen «Júrekten-júrekke» qaıyrymdylyq aksıasy jyl saıyn uıymdastyralady.