Baqylaý-kassa mashınasynyń fıskaldy túbirtegin berilmegeni týraly nemese tólem kartalary boıynsha tólemdi qabyldaýdan bas tartý týraly habarlaıtyn Qazaqstan Respýblıkasynyń turǵyndary arasynda «Azamattyq baqylaý – túbirtekti talap et» aksıasy ótkizile bastady. Bul týraly QR QM Memlekettik kirister komıteti habarlady.

Memleket basshysynyń ózin-ózi retteý, qoǵamdyq baqylaý tetikterin moratorıı qoldaný kezeńinde jandandyrý týraly tapsyrmalaryna sáıkes Memlekettik kirister komıteti baqylaý-kassa mashınasynyń fıskaldyq túbertekterin bermeý ne tólem kartalary boıynsha tólemdi qabyldaýdan bas tartý faktilerin anyqtaý úshin 2021 jylǵy 20 qazannan bastap «Azamattyq baqylaý-Túbirtekti talap et» aksıasyn qaıta bastady.

«Azamattyq baqylaý - túbirtekti talap et» aksıasyna kez kelgen nıet bildirýshi azamat qatysa alady. Barlyq jiberilgen ótinishter memlekettik kirister organdarymen qarastyrylatyn bolady.
Fıskaldyq túbirtekti bermeý nemese tólem kartalary boıynsha tólemdi qabyldaýdan bas tartý faktileri týraly App Store jáne Play market-ten «WIPON CASHBACK» tegin mobıldi qosymshasyn júkteý arqyly habarlaýǵa jáne fıskaldyq túbirtekti bermeý faktisi rastalǵan jaǵdaıda telefon teńgerimine syıaqy (jeke tabys salyǵy shegerile otyryp 1000 teńge) alýǵa bolady.

Kásipker týraly aqparatty bilý úshin (ıdentıfıkasıalaý) satyp alýshy kasanyń janynda ornalasqan QR-kodty skanerleýge bolady. Memlekettik kirister komıteti Qazaqstan Respýblıkasynyń barlyq azamattaryn ózderiniń azamattyq ustanymdaryn bildirýge, zańdy buzýshylarǵa beı-jaı qaramaýǵa jáne «Azamattyq baqylaý - túbirtekti talap et» aksıasyna belsendi qatysýǵa shaqyrady.