Shymkenttegi №4 mekteptiń oqýshylary koronavırýsqa qarsy vaksına aldy. Jasy 12 jastan asqan jetkinshekterge amerıkalyq Pfizer kompanıasynyń preparaty salyndy. Osy maqsatta oqý ornyndaǵy medısınalyq pýnkti arnaıy daıyndalyp, vaksınalaýdy oqýshylarǵa qalalyq №2 emhananyń qyzmetkerleri júrgizdi.

– Alǵashqy kúni 6 oqýshy ekpe aldy. Bul mektepke alǵash ret kelip otyrmyz. Aldymen ata-analarǵa aqparattar jiberip, sodan keıin ózderimen sóılestik. Vaksınanyń mańyzyn túsindirdik. Odan keıingi mańyzdy másele – balalarǵa psıhologıalyq qoldaý kórsetý. Aıta keteıik, oqýshylar qobaljyǵan joq, ata-analarynyń qoldaýy bilinedi. Ekpe alǵan balalarmen baılanysta bolady, 3 kún boıy emhanamyzdyń qyzmetkerleri habarlasyp, jaǵdaıyn bilip turady, – deıdi №2 emhananyń psıhology Gúlmıra Ábildaeva.

Ekpe alǵan balalar medısınalyq kabınette 20 mınýttaı otyryp, dárigerlerdiń baqylaýynda boldy. Olarǵa ystyq shaı men shokolad berildi. Aıta keteıik, ekpe alǵan balalar sabaqtan úsh kúnge bosatylady.