H Azamattyq forýmnyń jumysy búgin de jalǵasýda. Úshinshi kún «Azamattyq qoǵam jáne «Rýhanı jańǵyrý» talqylaý alańynan bastaldy.

Ony uıymdastyrǵan Qazaqstannyń «Azamattyq Alánsy», Shymkent qalasynyń «Azamattyq Aláns» qaýymdastyǵy men «Rýhanı jańǵyrý» óńirlik jobalyq keńsesi. Respýblıkanyń barlyq óńirlerinen qatysýshylardy qamtyǵan pikirlesý saǵatyn Qazaqstan Respýblıkasy Prezıdentiniń janyndaǵy Qazaqstan strategıalyq zertteýler ınstıtýtynyń áleýmettik-saıası zertteýler bóliminiń meńgerýshisi Indıra Rystına júrgizdi. Negizgi spıkerler Qazaqstan Respýblıkasy Parlamenti Májilisiniń depýtaty Darhan Myńbaı, «Atamnyn Amanaty» ÚEU ókili Álıa Saǵymbaeva, Respýblıkanyń Aqparat jáne áleýmettik damý mınıstrliginiń «Rýhanı jańǵyrý» baǵdarlamasyn iske asyrýdy úılestirý departamentiniń dırektory Ulyqbek Serikuly Tnalıev, Shymkent q. «Rýhanı jańǵyrý» óńirlik jobalyq keńsesiniń meńgerýshisi Záýre Oralbaeva. Sondaı-aq, forým seksıasyna onlaın formatynda ÚEU, qoǵam qaıratkerleri, azamattyq belsendiler, óńirlerdiń «Rýhanı jańǵyrý» jobalyq keńseleriniń basshylary men qyzmetkerleri qatysty.

Pikirtalas alańynda QR Parlament Májilisiniń depýtaty Darhan Myńbaı Elbasynyń kúni keshe «Nur Otan» partıasy Saıası keńesiniń keńeıtilgen otyrysynda jarıalanǵan jańa dáýirdegi qazaqstandyqtarǵa baǵdar bolatyn «Eldiktiń jeti tuǵyry» qaǵıdattar jıyntyǵyna toqtaldy.

«Eldiktiń jeti tuǵyry «Rýhanı jańǵyrý» baǵdarlamasynyń logıkalyq jalǵasy. Mysaly, besinshi tuǵyrǵa toqtalsaq, Elbasy «Ulttyq mádenıet – halyqtyń rýhanı tiregi. Órkenıetti otyz eldiń qataryna qosylýda materıaldyq qundylyqtarmen qatar, rýhanı baılyqtyń mańyzy zor. Sol úshin mádenıetimizdi zerdelep, ózge jurtqa nasıhattaı bilgen abzal. Basqa halyqtardy tek óner qudiretimen, ǵylymı izdenispen ǵana moıyndata alamyz» dedi. «Rýhanı jańǵyrý» baǵdarlamasy iske asyp jatqan ýaqytta 11 myńnan astam tarıhı-mádenı mańyzy bar jerler naqtylanyp, 250 respýblıkalyq, 10 nysan IýNESKO-nyń búkilálemdik murasyna enip otyr. Demeýshi, mesenattar kıeli jerlerimizdi retke keltirýge atsalysyp keledi. «Rýhanı jańǵyrý» saıası, áleýmettik, ekonomıkalyq - barlyq salany qamtıtyn, rýhanı tiregimizge aınalǵan baǵdarlama. Barlyq qurylymdardy biriktiredi», -dedi Darhan Myńbaı.

Sondaı aq, forýmda QR AQDM Rýhanı jańǵyrý baǵdarlamasyn úılestirý departamentiniń dırektory Ulyqbek Tnalıev «Ulttyq rýhanı jańǵyrý» ulttyq jobasynyń negizgi baǵyttary men mindetterin tanystyrdy. Jáne Ulttyq jobany tıisti deńgeıde júzege asyrý úshin Úkimettik emes uıymdar, azamattyq qaýymdastyqtardyń óńirlik jobalyq keńselerimen birlesip jumys isteýdiń mańyzyna toqtaldy.

QR AQDM Rýhanı jańǵyrý baǵdarlamasyn úılestirý departamentiniń dırektory Ulyqbek Tnalıev: «Úkimettik emes uıymdarmen birlesken jobalar qashan da utymdy. «Rýhanı jańǵyrýdaǵy 5 jylda jetistikter jeterlik. Endigi bastama «Rýhanı jańǵyrý» qundylyqtaryn odan ary ilgeriletýdi kózdeıdi. Iaǵnı, jobanyń negizgi maqsaty – Ulttyq kodty saqtap, mádenı biregeılikti jańǵyrtý, ulttyq qundylyqtar men salt dástúrdi nasıhattaý arqyly- qoǵamnyń mádenı dengeıin, talǵamyn jáne rýhyn kóterý».

Pikirtalas alańynda Óńirlik jobalyq keńseler men azamattyq qoǵamdastyqtyń baılanysy, qazirgi atqarylyp jatqan jumystar jaıly Shymkent qalalyq «Rýhanı jańǵyrý» jobalyq keńsesiniń basshysy Záýre Oralbaeva toqtaldy.

«Rýhanı jańǵyrý» baǵdarlamasyn júıeleý , ony iske asyrýdyń 3 baǵyty bekitilgen. Sonyń biri - úshinshi baǵyt – «Memlekettiń, azamattyq qoǵamnyń jáne jergilikti qoǵamdastyqtardyń damýy». Revolúsıalyq emes, evolúsıalyq damý. İs-sharalardyń 35 paıyzǵa jýyǵy qoǵamdyq birlestiktermen, ıaǵnı ÚEU-men birlese atqarylatyn jobalar. Óńirlik jobalyq keńsesiniń Sarapshylyq keńesiniń quramynda da jergilikti ÚEU-nyń jetekshileri bar»,-dedi Záýre Abdýhamıtqyzy.

H Azamattyq forým 26 qarasha kúni qorytyndylanady.