9 qarasha, seısenbi kúni Aqtóbe oblysynyń ákimi Ońdasyn Orazalın jumys babymen Aqtóbe qalasyn aralap shyqty. Óńir basshysy Jumyspen qamtýdy úılestirý jáne áleýmettik baǵdarlamalar basqarmasynyń kúrdeli jóndeý jumystary aıaqtalǵan ǵımaratyn qarap shyqty.
«Ǵımarat 1978 jyly salynǵan. Jóndeý jumystary kezinde múmkindigi shekteýli jandarǵa arnalǵan ǵımarattardyń qol jetimdiligin qamtamasyz etetin erejeler men normalar eskerildi. Máselen, kózderi nashar kóretinder men zaǵıptarǵa arnalǵan jazbalar men bederli belgiler ornatyldy. Eń bastysy, endi kelýshiler «bir tereze» qaǵıdasy boıynsha barlyq qyzmet túrlerin ala alady»,- deıdi basqarma basshysy Aslanbek Shúınshalıev. Ol sondaı-aq, oblys boıynsha jumyspen qamtýǵa járdemdesýdiń belsendi sharalarymen shamamen 49 myńdaı adam qamtylǵanyn jetkizdi. Jyl qorytyndysy boıynsha barlyǵy 53 myńnan astam adamdy qamtý josparda bar. Jumys sapary «Raýan» turǵyn úı alabyndaǵy 280 úıdiń elektr jáne sý jelileriniń qurylysyn, joldardyń jóndeý jumystaryn qaraýmen jalǵasty. Jobalar bıyl jeltoqsan aıynda aıaqtalady. Aıta keteıik, turǵyn úı alabyndaǵy kósheler elektr beretin jeli qosylǵan soń jaryqtandyrylady.
Óńir basshysy jergilikti turǵyndarmen áńgimelesip, tilekterin tyńdady.
«Mektep turǵyzyldy, kóshelerge asfált tóselip jatyr, jaıaý júrginshiler joldary salyndy. Sizge jáne osy jerde demalyssyz kúni-túni eńbek etkenderge rahmet. Meniń ótinishim de bar – avtobýstardyń qozǵalysyn rettep berseńiz, az júredi, demalys kúnderi adamdar aıaldamada tońyp qalady. Sonymen qatar, aıaldama pavılony men kóshe jaryǵy da kerek»,-deıdi Kúzenbaı Hasenov aqsaqal.
Ońdasyn Orazalın: «Siz óte ózekti máseleni kóterip otyrsyz. Halyqqa qolaıly jaǵdaı jasaý – bizdiń negizgi mindetimiz. Árıne, munyń bári bir kúnde sheshilmeıdi, kishkene ýaqyt kerek. Aıtyp ótkenimizdeı, bári qarjyǵa kelip tireledi. Bul «Raýan» men basqa da turǵyn úı alaptarynyń abattandyrylýynyń basy ǵana. Jumystar jalǵasatyn bolady»,- dep sendirip, qala basshylyǵyna aqsaqal aıtqan suraqtar boıynsha birqatar tapsyrmalar berdi. Osy aıda «Nur Aqtóbe» turǵyn úı alabyndaǵy gúl baǵyn abattandyrý boıynsha negizgi jumystar aıaqtalmaq. Kelesi jyly kógaldandyrylady dep josparlanyp otyr.
Qalalyq TKSH bóliminiń sektor meńgerýshisi Jomart Baqylkeldiuly: «Jaıaýjoldar 95% aıaqtaldy, sosyn jaryqtandyrý jáne sýarý júıeleri, otyrǵyshtar, qoqys salǵyshtar men balalar jáne vorkaýt alańdary ornatylady.Gúl baǵynyń uzyndyǵy shamamen 30 metr. Osylaısha, jalpy alańy 3 gektardy quraıtyn bolady.»,- dep esep berdi.
Oblys ákimi sondaı-aq, Aqtóbe qalasy aýmaǵyndaǵy betki sý burý júıesiniń qondyrǵysymen tanysyp shyqty. Jańbyr men qardyń sýyn buratyn sýaǵarlar 11 shaǵyn aýdanda, Sáńkibaı batyr dańǵylynda, Maresev pen Sátpaev kóshelerniiń qıylysynda, Qarataev kóshesinde salynyp jatyr.
Osy aıdyń sońyna deıin sýdy buratyn temirbeton naýalaryn, sý jınaıtyn qudyqtar men rezervýarlar ornatý, sýaǵarlardy káriz jelilerine qosý, sonymen qatar, metal jáne temirbeton qaqpaqtaryn naýalarǵa ornatý qarastyrylǵan.
Aıta keteıik, sýaǵarlar ornatý jumysy jaryn Áýeqalashyǵynda, Qarǵalyda, Jańaqonys aýylynda, Batys 2 shaǵyn aýdanynda, sonymen qatar, Jarmaǵambetov, Ǵ.Jubanova, Grıshın, Sháıkenov, Rysqulov, Jıenbaev, Jazyqov pen Tájibaev kóshelerinde jalǵasatyn bolady.
Qala aralaýdyń sońy sýly-jasyl býlvardy abattandyrý jumystaryn qarap shyǵýmen aıaqtaldy. Joba «Shańyraq» alyp qurylysy men býlvardyń kire berisindegi dekoratıvti arkany, minbeniń qasbet bóligin qalpyna keltirýdi, jaıaýjol taqtalaryn tóseýdi jáne t.b. qarastyrady.
Qalany aralap shyqqan óńir basshysy oblys ortalyǵyn ári qaraı damytyp, abattandyrýǵa qatysty birqatar naqty tapsyrmalar berdi.
Aqtóbe oblysy ákiminiń baspasóz qyzmeti
