Qurmetti Almaty oblysynyń turǵyndary!

Barshańyzdy Qazaqstan Respýblıkasynyń Tuńǵysh Prezıdenti kúnimen quttyqtaımyn!

Táýelsizdiktiń 30 jyldyǵy qarsańynda bul memlekettik mereke beıbit te berekeli ómirimizge, Elbasy Nursultan Ábishuly Nazarbaevtyń osy joldaǵy ólsheýsiz eńbegine degen qurmetimizdiń sımvoly ispettes. 

Qazaqstannyń jańa tarıhynyń jarqyn betteri Tuńǵysh Prezıdenttiń esimimen etene baılanysty. Osy otyz jyl ishinde respýblıkanyń egemendik ıdeıasy sátti iske asyryldy, damýdyń jańa belesine kóterildik, Eýrazıa kindiginde jańa qala turǵyzyldy, halyqtyń etnıkaaralyq, konfesıaaralyq birligi qamtamasyz etildi.     

Búginde el Prezıdenti Qasym-Jomart Kemeluly Toqaevtyń basshylyǵymen ekonomıkanyń turaqtylyǵyna, halyqtyń ál-aýqatyn jaqsartýǵa baǵyttalǵan irgeli isterden órleý jolyndaǵy jalǵastyq kórinis taýyp otyr.

Qurmetti jetisýlyqtar! Tatýlyq pen kelisimniń arqasynda qol jetkizgen jetistikterdi odan ári eseleı otyryp, týǵan ólkemizdi órkendetýge ózara birlesip bar kúsh-jigerimizdi jumsaımyz dep oılaımyn.

Mereıli merekemen quttyqtaı otyryp, sizderge myqty densaýlyq, beıbit ómir, eseli eńbek, otbasylaryńyzǵa shattyq pen baqyt tileımin!