10 qarasha kúni «Aqtóbe oblysynyń aýyl sharýashylyǵy salasyn damytýdyń jańa múmkindikteri» atty semınar ótti. Onyń jumysyna oblys ákimi Ońdasyn Orazalın, oblys ákiminiń orynbasary Jaqsyǵalı Imanqulov, aýyl sharýashylyǵy basqarmasynyń basshysy Espaǵanbetov, Veterenarıa basqarmasynyń basshysy Qusaıyn Sársembaı, QR ASHM agroónerkásip keshenindegi memlekettik ınspeksıa komıtetiniń oblystyq aýmaqtyq ınspeksıasynyń basshysy Dastan Saǵyrov, «Qazaqstan fermerler qaýymdastyǵy» oblystyq fılıalanyń basshysy Berik Sarıev, aýyl sharýashylyǵy ǵylymdarynyń doktory Edige Nasambaev, aýyl sharýashylyǵy ǵylymdarynyń kandıdaty Aldabergen Nuǵmanov, aýyldyq okrýgterdiń ákimderi, sharýa qojalyqtarynyń basshylary, agroónerkásip keshenin damytýǵa baǵdarlanǵan qarjy ınstıtýttarynyń ókilderi men ǵalymdar qatysty.
Semınar aldyńǵy qatarly tehnologıalardy paıdalana otyra aýyl sharýashylyǵyn tıimdi engizý jáne ónimdiligin kóterý suraqtaryn talqylaıtyn saraptaý alańyna aınaldy.
QR Prezıdenti Qasym-Jomart Kemeluly Toqaevtyń tapsyrmasyna sáıkes qazirgi tańda Aqtóbe oblysynda aýyl sharýashylyǵy men bıznesti qoldaý sharalaryn kúsheıtý jumystary júrgizilýde.
«Búgin bizdiń aldymyzda aýyl sharýashylyǵy salasyn zamanaýı talaptarǵa saı ári qaraı damytý boıynsha birqatar mindetter tur. Olardyń qatarynda osy salanyń memlekettik qoldaý sharalaryn tıimdi júzege asyrý mindeti bar. Bul azyq-túlik qaýipsizdigin qamtamasyz etýge, ónim sapasy men ónimdilik kólemin kóterýge, aýyl sharýashylyǵy ónimderiniń baǵasyn turaqtandyrýǵa múmkindik beredi»,- dedi semınardy ashqan oblys ákimi.
Ońdasyn Orazalın sharýalardyń eren eńbekterin joǵary baǵalaıtynyn atap ótti.
Aıta keteıik, bıyl Aqtóbe oblysynda aýyl sharýashylyǵy taýarlaryn óndirýshilerdi qoldaý maqsatynda 23,7 mlrd teńge sýbsıdıa bólinse, onyń 13,3 mlrd. teńgesi asyl tuqymdy mal sharýashylyǵyn damytýǵa, 7 mlrd teńge mal azyǵyn daıyndaýǵa ketti. Budan bólek, aǵymdaǵy jyly aýyl sharýashylyǵy tehnıkasyn jańartýdy yntalandyrý úshin jergilikti búdjet esebinen osy maqsattardy sýbsıdıalaý kólemi 25 paıyzdan 35 paıyzǵa deıin ulǵaıtyldy.
Nátıjesinde jyl basynan beri iri qara mal basy 9,9%, jylqy - 14% ósti. 270 mlrd. teńgege aýyl sharýashylyǵy ónimi óndirildi.
Bıylǵy jylǵy qolaısyz aýa raıy turaqty mal azyǵy bazasyn jasaý qajettigin kórsetti. Soǵan baılanysty Aqtóbe oblysynda qazirgi tańda jemshóptik daqyly kólemin 2023 jylǵa deıin ulǵaıtý baǵdarlamasy ázirlenip jatyr. Ol jemshóptik daqyldardy egýge beriletin sýbsıdıany kóbeıtýdi jáne mal azyǵyn ázirleýge qajet aýyl sharýashylyǵy tehnıkasyn satyp alýdy qarastyratyn bolady. Sharýalardyń ózderi memleket kómegi osy jyly buryn bolmaǵan deńgeıge jetkenin atap ótti.
«Bizdiń oblystyń sharýa qojalyqtary atynan sizge rızashylyǵymdy bildirgim keledi. Negizinde bizge úlken qoldaý kórsetiledi. Mundaı qoldaý eshbir óńirde joq dep senimmen aıta alamyn. Sizdiń sharýalarǵa degen kómegińizdi halyqqa degen qamqorlyq dep sanaımyz».- dedi «Qazaqstan fermerler qaýymdastyǵy» oblystyq fılıalanyń basshysy Berik Sarıev.
Oblys ákimi jergilikti atqarýshy organdardyń aldaǵy ýaqytta da óńirdiń aýyl sharýashylyǵyn damytýǵa jan-jaqty qoldaý kórsetetinin aıtty.
Aqtóbe oblysy ákiminiń baspasóz qyzmeti
