Shymkent qalasy boıynsha 47077 azamat úı kezeginde tur. Bıyl onyń az qamtylǵan 237-si baspanaǵa qol jetkizdi. Sondaı-aq, 682 azamat arendalyq baspanamen qamtyldy. Al nesıelik negizde baspanamen qamtý úshin túrli memlekettik baǵdarlamalar bar. Sonyń arqasynda bıyl 1285 azamat qonys toıyn toılasa, 233 otbasyǵa jergilikti búdjet esebinen alǵashqy jarnasyn tóleýge kómek berildi. Osylaısha, óńirdegi baspana máselesin kezeń-kezeńmen sheship jatyrmyz deıdi, – jaýaptylar.

Juldyzaı Ordabekova, Shymkent qalasy turǵyn úı basqarma basshysynyń mindetin atqarýshy:

«Jalpy Shymkent qalasy boıynsha búgingi tańda turǵyn úı alý tizimi negizinde 6 bólik tizimmen júrgizilýy kerek, alaıda bizde Uly otan soǵysynyń ardageri tolyǵymen qamtylǵandyqtan, 5 tizimmen júrgizilip jatyr. Búgingi tańda turǵyn úı alý tizimde 47077 azamat tirkelgen. Bul kórsetkish jyl basymen salystyrǵanda ol kezde 42 myń bolatyn 5 myń adamǵa artyp otyr. Onyń ishinde jetim jáne ata-anasynyń qamqorlyǵynsyz qalǵan balalar 1787 azamatty quraıdy. Kóp balaly otbasylar 8895 azamatty, halyqtyń áleýmettik jaǵynan álsiz toby 16157 azamatty, memlekettik qyzmetshiler 20211 azamatty quraıdy.»

Buǵan deıingi paıdalanýdaǵy turǵyn úılerge jóndeý jumystaryn júrgizý de nazar tys qalmaǵan. 11 kópqabatty úı bastan-aıaq jóndelse, 25-sin retke keltirý bastalyp ketken. Al múldem jóndeýge kelmeıtin 107 turǵyn úı anyqtalǵan. Bul rette olardy buzý jáne turǵyndardy kóshirý jumystary júrgizilýde. Olar baspanasyz qalmaıdy eken.

Juldyzaı Ordabekova, Shymkent qalasy turǵyn úı basqarma basshysynyń mindetin atqarýshy:

«Búgingi tańda turǵyn úımen qamtamasyz etýdiń birneshe joldary bar. Olar arendalyq turǵyn úı jáne nesıelik turǵyn úı. Kezek retimen qamtamasyz etilemin degen azamattar tólem qabilettiligi tómen azamattar, ózderiniń satyp quqyǵynsyz jaldamaly páterin kútýge múmkindikteri bar. Al nesıelik negizde nıet bildiretin azamattar olarǵa 2 paıyzdyq 2-10-20 baǵdarlamasy – Baqytty otbasy, 5-10-20 baǵdarlamasy – Shańyraq baǵdarlamasy jáne 5-20-25, 7-20-25 baǵdarlamasy qarastyrylǵan».

Osylaısha, elimizdiń úshinshi megopolısindegi baspana máselesi óz sheshimin tabýda. Jańa páterdiń kiltine qol jetkizgenderdiń qatary da artyp keledi. Qazaqstandyq naryqta ıpotekalyq baǵdarlamalar da kóbeıgen. Osy negizde elimizde 10-nan asa baǵdarlama turǵyndar ıgiligi úshin qyzmet kórsetýde.