Aqtóbe oblysynyń ákimi Ońdasyn Orazalınniń tóraǵalyǵymen óńirde ulttyq halyq sanaǵyn ótkizý máseleleri jóninde keńes ótti.
Belgili bolǵandaı, ulttyq halyq sanaǵy 1 qyrkúıek pen 15 qazan aralyǵynda onlaın formatta mamandandyrylǵan sanaq.gov.kz saıtynda ótkiziledi.
Oblys ákiminiń birinshi orynbasary Rýslan Hambarovtyń málimetinshe, 6 qyrkúıektegi jaǵdaı boıynsha oblystyń 12 myńǵa jýyq turǵyny onlaın rejımde sanaqtan ótti.
Sonymen qatar, 1 qazan men 30 qazan aralyǵynda onlaın-rejıminde sanaqtan ótpegen azamattar arasynda sanıtarlyq normalardy saqtaı otyryp, dástúrli jappaı aralaý júrgiziledi.
Keńes qorytyndysy boıynsha oblys ákimi halyq arasynda aqparattyq-túsindirý jumystaryn kúsheıtýdi, sondaı-aq sanaq qyzmetkerlerin tolyq jınaqtaý jáne vaksınasıalaý máselelerine erekshe nazar aýdarýdy tapsyrdy. Qazirgi ýaqytta aımaqta nusqaýshy-baqylaýshylar men ıntervúerlerdi qabyldaý jalǵasýda. Ulttyq sanaqty ótkizý boıynsha jumysqa barlyǵy 1200-den astam adam jumyldyrylady.
Aqtóbe oblysy ákiminiń baspasóz qyzmeti
Pikir qaldyrý