Aqtóbe oblysynda jylytý maýsymyna daıyndyq jumystary jospar boıynsha ótýde

/image/2021/12/03/crop-12_107_597x1061_f77c9f6ec598edab0f5ee87bf750455c_1280x720.jpg

Óńir basshysy Ońdasyn Orazalınniń tóraǵalyǵymen ótken jıynda Aqtóbe oblysynyń otyn-energetıkalyq kesheni men turǵyn úı-kommýnaldyq sharýashylyǵynyń jylytý maýsymyna daıyndyǵy qaraldy.

Jıynǵa oblys ákiminiń orynbasarlary, birqatar memlekettik organdar men komýnaldyq kásiporyndardyń basshylary, sonymen qatar, Aqtóbe qalasy men oblys aýdandarynyń ákimderi onlaın túrde qatysty.

Komýnaldyq kásiporyndardyń basshylary qazandyqtardy, jylý jelilerin, sý qubyry-káriz jáne elektr jelilerin jóndeý boıynsha atqarylyp jatqan jumystar jaıynda esep berdi. Jalpy, jóndeý jumystarynyń kestesi saqtalýda, oblysta jylytý maýsymyna daıyndyq josparǵa saı.

Óńir basshysy Aqtóbe qalasy men aýdandardyń ákimderine bul suraqty únemi baqylaýda ustaýdy, jylytý maýsymynyń ýaqytynda bastalýyn qamtamasyz etýdi tapsyrdy.

Jıynda sondaı-aq, óńirdegi sanıtarlyq-epıdemıologıalyq jaǵdaı, COVID-19-ǵa qarsy ekpe alý barysy men oblys búdjetiniń oryndalýyna baılanysty suraqtar qaraldy.

Jıyn sońynda óńir basshysy oblystyń áleýmettik-ekonomıkalyq damýyna, jol qurylysy qarqynyn tezdetýge jáne t.b. qatysty birqatar naqty tapsyrmalar berdi.

Aqtóbe oblysy ákiminiń baspasóz qyzmeti

Aqtóbe oblysynda jylytý maýsymyna daıyndyq jumystary jospar boıynsha ótýde

Qatysty tegter :

Pikir qaldyrý

Qatysty Maqalalar