Aqtóbe qalasyndaǵy Nazarbaev zıatkerlik mektebiniń túlegi el tarıhynda tuńǵysh ret 1996 jyldan beri ótkizilip kele jatqan geografıa páni boıynsha halyqaralyq olımpıadanyń altyn medalin jeńip aldy.

Aqtóbelik oqýshy 46 memleketten qatysqan 200 balanyń arasynan úzdik atandy. Olımpıada Stambulda uıymdastyrylǵan, alaıda, epıdemıologıalyq jaǵdaıǵa baılanysty onlaın túrde ótti.

«Bilim – ınovasıalyq» lıseıiniń 11 synyp oqýshysy Ernar Batyrjanov 18-23 shilde aralyǵynda Portýgalıanyń Lıssabon qalasynda onlaın formatynda ótken halyqaralyq bıologıa olımpıadasynda (IBO) jaqsy nátıje kórsetip, qola júldege ıe boldy. Olımpıadaǵa 70 elden barlyǵy 300 oqýshy qatysqan.

Kezdesý barysynda bilim salasyn damytý, daryndy balalarmen jumys isteý, oqýshylardy pándik olımpıadalarǵa daıarlaý sıaqty ózekti suraqtar talqylandy.

Oblys ákimi balalarǵa oqýda aldaǵy ýaqytta da tabystar men el ıgiligi úshin jemisti qyzmetter tiledi.

Aqtóbe oblysy ákiminiń baspasóz qyzmeti