Táýliktik epıdahýal. 632 adamnan vırýs anyqtaldy, 16 adam qaıtys boldy

/image/2021/12/06/210816153933263a3824503i.jpg

Ótken táýlikte PTR test arqyly 632 adamnan koronavırýs, 21 adamnan pnevmonıa anyqtalǵan. 4 jeltoqsanda 16 adam koronavırýstan qaıtys bolǵan. Bul týraly densaýlyq saqtaý mınıstrliginiń epıdemıologıalyq ahýal týraly kúndelikti aqparattyq habarlamasynda aıtyldy.

Qazaqstanda 2020 jylǵy 13 naýryzdan búgingi kúnge deıin PTR test arqyly 975 782 adam koronavırýs juqtyrǵany anyqtalǵan. Onyń ishinde 12 785 adam kóz jumǵan. 2020 jylǵy 1 tamyzdan beri júrgizilip kele jatqan pnevmonıa statısıkasyna saı, 82 976 adam pnevmonıamen aýyrǵan. Onyń ishinde 5163 adam ólgen.

6 jeltoqsandaǵy málimet boıynsha 24 125 adam koronavırýs pen pnevmonıadan emdelip jatyr. Olardyń ishinde 4 948 pasıent stasıonarda, 19 177 naýqas ambýlatorıalyq deńgeıde em qabyldaýda.

İndetke shaldyqqandardyń arasynda:

359 adamnyń jaǵdaıy aýyr,
97 pasıenttiń jaǵdaıy óte aýyr,
59 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes barlyq óńir "qyzyl" aımaqtan shyqty. Nur-Sultan qalasy, Aqmola, Qaraǵandy, Pavlodar, Qostanaı, Soltústik Qazaqstan oblystary "Sary" aımaqta, Almaty, Shymkent qalalary, Atyraý, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary "Jasyl" aımaqta.

6 jeltoqsandaǵy málimet boıynsha elde koronavırýsqa qarsy vaksınanyń İ komponentin 8 783 874 adam saldyrǵan. Vaksınanyń qos birdeı komponenti 8 182 339 adamǵa egilgen.

Táýliktik epıdahýal. 632 adamnan vırýs anyqtaldy, 16 adam qaıtys boldy

Qatysty tegter :

Pikir qaldyrý

Qatysty Maqalalar