Batys elderi jáne halyqaralyq quqyq qorǵaý uıymdary tálipterdi Aýǵanstan qaýipsizdik kúshteriniń burynǵy múshelerin "tobymen óltirgeni" úshin aıyptady. 

AQSH jáne EO Aýǵanstanǵa qatysty tergeý júrgizýdi talap etti. 

"Húman Raıts Voch jáne basqalardyń qujattary kórsetkendeı, Aýǵanstan qaýipsizdik kúshteriniń burynǵy múshelerin óltirý jáne kózin joıý týraly habarlarǵa qatty alańdaımyz" delingen AQSH, Eýropalyq Odaq, Avstralıa, Ulybrıtanıa sıaqty elderdiń birlesken málimdemesinde.

Olar Aýǵanstan jańa bıligin raqymshylyqtyń oryndalýyn qamtamasyz etýge shaqyrdy. Batys elderi "Biz yqtımaldy áreketterdiń adam quqyqtaryn óreskel buzý ekenin jáne Talıbannyń bul isteri jarıalanǵan raqymshylyqqa qaıshy keletinin eskertemiz" dep málimdedi.