Qazaqstanda "Omıkron" shtammy anyqtalsa jańa shekteýler engizile me?

/image/2021/12/07/crop-80_12_632x843_1585541944_a.jpeg

Densaýlyq saqtaý mınıstri Alekseı Soı Qazaqstanda koronavırýstyń jańa shtammy  Omıkronnyń paıda bolý yqtımaldyǵyn joqqa shyǵarmady. Sondaı-aq ol aýrýdyń aýyr aǵymy jaǵdaıynda shekteý sharalary kúsheıtilýi múmkin ekenin jetkizdi.

– Qazirgi ýaqytta basty problema – monıtorıń bolyp otyr. Óıtkeni ázirge jańa shtamm zerttelmegen. Álemde túrli shtamdar paıda bolyp jatqanyn kórip otyrsyzdar. Biriniń ornyn biri almastyryp jatyr – Lámbda, odan keıin Eta-shtammy. Ár shtammǵa erekshe nazar aýdarýǵa májbúrmiz. Ár shtammnyń qalaı taraıtynyn alǵash paıda bolǵan eldegi jaǵdaıǵa qarap túsiný mańyzy, – dedi mınıstr.

Soı jaqynda ǵana Jenevada bolyp, Dúnıejúzilik densaýlyq saqtaý uıymynyń bas dırektorymen kezdeskenin málim etti. Aıtýynsha, sol kezde shtammdy zertteıtin jumys toby qurylǵan.

– Eń bastysy, onyń pandemıaǵa aınalmaýy. Iaǵnı, el ishinde taralýyn baqylaýda ustaý mańyzdy. Mysaly, "Delta" shtammy dúnıejúzinde shamamen 80-90 paıyz taralǵan. Qaı jerde paıda bolsa, ol ústem jaǵdaıǵa ıe boldy. Qazir búkil álem qaýymdastyǵynyń mindeti – shtammnyń qanshalyqty juqpaly ekenin, onyń qalaı áreket etetinin, onyń klınıkalyq kórinisterin jáne adamdar úshin qanshalyqty qaýipti ekenin baqylaý. Ázirge ondaı senimdi derekter joq, tek jekelegen derekter bar, – dedi vedomstvo basshysy.

Alekseı Soı Qazaqstanda vırýstardyń sekvenırlenýi – shtammnyń qaı túrine jatatynyn, vırýstardyń qaı túri basym ekenin anyqtaý úshin monıtorıń júrgizilip jatqanyn atap ótti.

– Jaqyn arada biz naqty qorytyndysyn alyp, aıtamyz. Vırýstyń (omıkron - red) bul shtammy Qazaqstanǵa kelgen kúnniń ózinde onyń tabıǵatyn, taralý tásilin túsiný mańyzdy, – dedi Alekseı Soı.

Sondaı-aq ol Qazaqstanda Omıkron shtammy paıda bolǵan jaǵdaıda jańa shekteýler engizile me degen suraqqa jaýap berdi.

– Bul – vırýstyń vırýlenttiligine baılanysty. Eger vırýs agressıvti bolsa, jaǵdaı qıyndaıdy. Sodan keıin qosymsha shekteýler engiziledi. Emdeý negizinen birdeı. Anyqtalǵan elderde ol basqa shtammdar sıaqty emdeledi. Sondyqtan bul jerde júıe daıyn, – dep túıindedi ol.
Qatysty tegter :

Pikir qaldyrý

Qatysty Maqalalar