Atyraýda 10 jeltoqsannan bastap saýda jáne oıyn-saýyq ortalyqtaryna Ashyq júıesinde tek "jasyl" mártebesi barlar ǵana kire alady. Bul týraly atpress.kz saıty habarlady.

– 10 jeltoqsannan bastap oıyn-saýyq saýda ortalyqtaryna jumys jáne demalys kúnderi qyzmetkerler men kelýshilerde qaýipsiz "jasyl" statýs bolǵan jaǵdaıda, ıaǵnı vaksına alǵan adamdarǵa ǵana kirýge bolady. PTR-synamysynyń teris nátıjesi bar adamdar da kirgiziledi. Biraq anyqtamanyń merzimi jeti kúnnen aspaýy shart. Sonymen qatar turaqty medısınalyq kórsetilimi bar jáne sońǵy úsh aıda koronavırýspen aýyryp shyqqandar da oıyn-saýyq saýda ortalyqtaryna kire alady, – dedi Atyraý oblysy boıynsha sanıtarlyq-epıdemıologıalyq qadaǵalaý departamenti basshysynyń orynbasary Álıa Bekesheva.

Aıta keteıik, Nur-Sultan qalasynda da saýda-oıyn ortalyqtaryna "jasyl" statýsy barlar ǵana kire alady.