Almaty oblysynda sońǵy táýlikte koronavırýstyq ınfeksıa juqtyrýdyń 29 jańa jaǵdaıy tirkeldi, ósý qarqyny – 0,03%-dy quraıdy, dep habarlady Almaty oblysynyń óńirlik komýnıkasıalar qyzmeti.

Nátıjesinde, óńir «jasyl» aımaqta. KVI anyqtalǵan jaǵdaılardyń ishinde 14 jasqa deıingi balalar sany 4, oqýshylar arasynda 2, stýdentter arasynda 1 jáne muǵalimder arasynda 2 jaǵdaı tirkelgen.

Aýdan-qalalarǵa bólsek, COVID-19 kórsetkishi mynadaı: Aqsý-1, Alakól-4, Balqash-2, Eńbekshiqazaq-1, Eskeldi-1, Jambyl-3, İle-2, Qarasaı-1, Kóksý-1, Panfılov-6, Talǵar-3, uıǵyr-2, Taldyqorǵan qalasy-2.

9 jeltoqsandaǵy jaǵdaı boıynsha oblysta KVI zerthanalyq rastalǵan 57 487 jaǵdaı tirkelgen, onyń ishinde 42 984  sımptom belgilerimen.

100 myń turǵynǵa shaqqanda KVI syrqattanýshylyq kórsetkishi – 2689,6 qurady.

Esterińizge salamyz, oblysta halyqty koronavırýstyq ınfeksıaǵa qarsy vaksınasıalaý jalǵasýda. Búgingi kúni vaksınanyń birinshi komponentin 869 150 adam (72%) aldy, al halyqtyń 800 747-si (67%) tolyq ımmýndaý kýrsynan ótti.