Qazaqstannyń tórt óńirinde aýa raıynyń qolaısyzdyǵyna baılanysty eskertý jarıalandy. Olar: Aqtóbe, Almaty, Atyraý, Batys Qazaqstan oblystary.

Aqtóbe oblysynda 10 jeltoqsan kúni kóktaıǵaq bolady. Ońtústik-shyǵystan jel soǵyp, ekpini oblystyń ońtústik-batysynda jáne ortalyǵynda 15-20 m/s-ke jetedi.

Almaty oblysynyń ońtústigine tuman bolady. Alakól kóline jaqyn aýdandarda ońtústik-shyǵystan jel soǵyp, onyń kúshi 18-23 m/s-ke deıin jetedi.

11-12 jeltoqsanda oblystyń soltústik-batysynda soltústik-shyǵystan jel soǵyp, onyń jyldamdyǵy 15-20 m/s, Alakól kóline jaqyn aýdandarda 29 m/s jáne odan da joǵary bolady dep kútiledi.

Atyraý oblysynda 10 jeltoqsan kúni óńirdiń soltústigi, shyǵysy jáne ortalyǵyna tuman túsip, kóktaıǵaq bolady.

Batys Qazaqstan oblysynyń soltústiginde, soltústik-batysynda burqasyn, kóktaıǵaq bolýy yqtımal. Jel shyǵystan, soltústik-shyǵystan soǵyp, oblystyń ońtústik-shyǵysynda jel ekpini 15-20 m/s-ke jetedi.