Atyraý oblysy ákiminiń orynbasary Baqytgúl Hamenova jaýap alýdan soń ýaqytsha ustaý ızolátoryna qamalǵany habarlandy. Bul týraly "Aq jaıyq"basylymy málimdedi.

Basylym taratqan aqparatqa súıensek, Atyraý oblystyq mádenıet basqarmasynyń basshysy Aqylbek Rysqalıev kinásin birden moıyndaǵandyqtan ony ýaqytsha bosatqan. Al Hamenova ýaqytsha qamaý ızolátoryna qamalǵan.

Basylymnyń jazýynsha, Baqytgúl Hamenova men Aqylbek Rysqalıev keshe 4,5 mln kóleminde para aldy degen kúdikpen ustalǵan. Byltyr aqyn Abaı Qunanbaıuly eskertkishin ornatýǵa qatysty eki ret usynys aıtylǵan. Birinshi usynys oblystyq máslıhat sesıasynda, keıin uly aqynnyń 175 jyldyǵyn toılaý aıasynda jasaldy. 

Atyraý oblysynyń ákimi Mahambet Dosmuhambetov pen depýtattar bul ıdeıany qoldap, keıin tenderge daıyndyq bastalǵan bolatyn. Aldyn ala málimet boıynsha, kelisimshart somasy 150 mln teńge, mádenıet basqarmasy alǵashqy transhty ótkizip úlgergen.

"AJ" málimetinshe, 12 jeltoqsanda sybaılas jemqorlyqqa qarsy is-qımyl agenttiginiń qyzmetkerleri tergeý sotynda Hamenovany eki aı qamaýǵa alý týraly ótinish bermek.

Baqytgúl Hamenova 2020 jyldyń 13 naýryzynda Atyraý oblysy ákiminiń orynbasary laýazamyna taǵaıyndalǵan.