Tuǵyry bıik, mańyzdylyǵy sheksiz, ultymyzdyń uly jetistigi "Táýelsizdiktiń 30 jyldyǵyna" oraı, Almaty qalasynda "Táýelsizdik - Tuǵyrym" atty dóńgelek ústel ótti.
Bul dóńgelek ústeldiń negizgi maqsaty - osy sońǵy 30 jyldyqtyń kóleminde elge kelip ózderi úlken jetistikke jetip qana qoımaı, qazaq eliniń damýyna da aıryqsha úles qosqan qandas azamattardy elge tanystyrý, dáripteý.
El táýelsizdik alǵanda atbasyn Atajurtqa burǵan aǵaıyndardyń sany búginde 1,5 mıllıonǵa jetipti.
Bul kúnde elge oralǵan qandastar ǵylym salasy, oqý-aǵartý, medısına, ǵarysh, tehnologıa, IT, óndiris, kásipkerlik salasynda eleýli eńbek etip, el damýyna úles qosyp jatqan azamattar az emes, mine sol azamattardyń ishinen birazy bas qosyp, ózderiniń Táýelsizdikke degen qurmetin bildirip, barsha Qazaqstandyqtardy Táýelsizdiktiń 30 jyldyǵymen quttyqtady.
1990 jyldary qazirgi Qazaqstan jerine shyn patrıot azamattar kóship kele bastady. Sebebi, ol kezde eshqandaı kvota tárizdi qoldaýlar joq edi. Sondaı otansúıgish myqty azamattar men olarlyń urpaqtary qazir elimizdiń ártúrli salalarynda orasan zor jetistikperge jetkenin qýanyshpen, maqtanyshpen aıtýǵa bolady.
Elim dep eńiregen ańǵal da aq júrek aǵaıyndardyń shynaıy otanshyldyǵy ár kez barsha jurt qurmet tutýǵa laıyqty dep esepteımiz.
Sonymen birge el táýelsizdik alǵan alǵashqy jyldary shettegi Qandastardyń elge kelýine muryndyq bolǵan Smaǵul Elýbaı, Muhtar Shahanov, Dýlat Isabekov(Dýlat aǵamyzdy prezıdent shaqyrýyna baılanysty kelealmady) sıaqty ult kóshbasshylaryn shaqyryp, aǵalarǵa barsha qandastar atynan "rahmet" aıtyp ıyǵyna shapan japty.
Basqosýǵa ár sala ókilderinen 30 ǵa jýyq azamattar qatysyp, óz ómir joldary, jetken jetistikterin aıtyp, elmen bólisti, osy jetistikteriniń bári Táýelsizdiktiń arqasynda bolǵanyn aıtyp, rızashylyǵyn bildirdi.
Elim, jerim deıtin jandar bolsa, erim deıtin el tabylary haq. Osyndaı ultynyń bolashaǵy men kemel kelesheginiń kemesiniń jelkenin keń jaıa, ár salanyń maıtalmany bolar nar tulǵalar bolsa, elimizdiń egemendigi máńgi bolyp qala bermek.
Jıyn sońynda "Táýelsizdiktiń 30 jyldyǵyna" arnap, Qazaqstannyń Ortalyq murajaıyna qandastar atynan "ESTELİK" tartý etti.
Pikir qaldyrý