Densaýlyq saqtaý mınıstrligi 14 jeltoqsan kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 488 adamnan koronavırýs, 68 adamnan pnevmonıa anyqtalǵan. 13 jeltoqsanda 11 adam koronavırýstan, 3 adam pnevmonıadan kóz jumǵan.

15 jeltoqsandaǵy málimet boıynsha, 20 376 adam koronavırýs ınfeksıasynan emdelýde, olardyń ishinde 3 786 pasıent stasıonarda, 16 590 naýqas ambýlatorıalyq deńgeıde em qabyldaýda.

İndetke shaldyqqandar arasynda 308 adamnyń jaǵdaıy aýyr, 80 pasıenttiń jaǵdaıy óte aýyr, 65 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Aqmola, Pavlodar, Qostanaı, Soltústik Qazaqstan oblystary "Sary" aımaqta.

"Jasyl" aımaqta: Nur-Sultan, Almaty, Shymkent qalalary, Atyraý, Qaraǵandy, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.

15 jeltoqsandaǵy málimet boıynsha 8 875 273 adam vaksınanyń I komponentin, 8 323 469 adam II komponentin saldyrǵan.