Densaýlyq saqtaý mınıstri qyzmetinen bosatylǵan Alekseı Soı otstavkaǵa ketý sebebin túsindirip, aldaǵy ýaqytta qaıda baratynyn habarlady.
Eks-mınıstr azamattyq sektorǵa ketýge, densaýlyq saqtaý salasyn ǵylym men áleýmettik bastamalar arqyly damytýǵa sheshim qabyldaǵanyn aıtady.
Ol facebook-te jarıalaǵan jazbasynda prezıdent tarapynan ózine koronavırýsqa baılanysty ahýaldy turaqtandyrý, densaýlyq saqtaý salasy áleýmetin kóterý mindeti júktelgenin, mindetti oryndaýǵa barynsha tyrysqanyn atap ótken. Sondaı-aq ol óziniń tusynda atqarylǵan jumystar týraly baıan etip, birshama sharýa tyndyrylǵanyn jetkizgen.
"Biz epıdemıologıalyq qater týa qalsa, der kezinde áreket etý úshin bar jaǵdaıdy jasadyq. Ár aımaqta jańa ınfeksıalyq aýrýhanalar salyndy, jedel járdem kóligi parki, IVL apparattar, aýyldardaǵy qozǵalmaly medısınalyq keshender jańartyldy. Otandyq farmónerkásip óndiristiń joǵary ósimin kórsetip jatyr. Dárilik zattar men medısınalyq jabdyqtar qory jasaldy. Sanıtarlyq-epıdemıologıalyq baqylaý qyzmeti men zerthanalyq qyzmet áleýeti artyp, QazVac vaksınasy jasalyp shyǵaryldy" dedi ol.
Sózinshe, qysqa merzimde densaýlyq saqtaý salasy kúsheıe túsken.
Soı jańa eńbek jolyn jaqynda aıqyndaıtynyn aıtyp, alda jańa jobalar tosyp turǵanyn jetkizdi.
Pikir qaldyrý