Qazgıdromet 21-23 jeltoqsanǵa arnalǵan aýa raıy boljamyn jarıalady.

Qazaqstanǵa soltústik-batys sıklonyna baılanysty atmosferalyq frontaldy bólimder áser etip, aýa raıy turaqsyz sıpatta bolady, ońtústikte jaýyn-shashyn men qar jaýady dep kútiledi.

Respýblıka boıynsha tuman, kóktaıǵaq, sondaı-aq jyldamdyǵy sekýndyna 15-25 metrge jetetin jel, soltústik jartysynda burqasyn bolady dep boljanady.

23 jeltoqsanǵa qaraı Qara teńiz aýdandarynan keletin antısıklon aýa temperatýrasynyń tómendeýine áser etedi. 

Batysta túnde - 8, - 23 gradýsqa deıin aıaz, kúndiz - 5, - 15 gradýsqa deıin aıaz bolsa, soltústikte, shyǵysta jáne ortalyqta túnde - 5, - 15 gradýsqa deıin aıaz, kúndiz 0 - 8 gradýsqa deıin aıaz, ońtústik jáne ońtústik-shyǵys jartysynda túnde - 5 gradýsqa deıin aıaz, kúndiz 0...10 gradýsqa deıin jyly bolady dep kútiledi.