AQSH Senaty Qytaıdyń Shyńjań aımaǵynan keletin ımportqa tyıym salý týraly zań jobasyn qabyldady. "Bul Beıjińniń Shyńjańdaǵy uıǵyr, qazaq sıaqty musylman azshylyǵyna jasaǵan qatal saıasatyna qarsy Vashıngton áreketiniń bir bóligi" dep habarlady CNN .

AQSH senaty Shyńjańdaǵy azshylyqtardyń májbúrli eńbekke jegilýine jol bermeý týraly zańdy biraýyzdan maquldap, zań jobasyn Aq úıge jiberdi. AQSH prezıdenti Djo Baıden oǵan qol qoıatynyn aıtty.

Ókilder palatasy zań jobasyn biraýyzdan daýys berý arqyly qabyldady.

AQSH zań shyǵarýshylary Palatada jáne Senatta ymyraǵa kelgennen keıin zań jobasy Kongreske ótken.

Respýblıkashyl senator Marko Rýbıo senatorlardy zań jobasyna daýys berýge shaqyryp, Shyńjańdaǵy qazaq, uıǵyr sıaqty etnıkalyq azshylyqtarǵa jasalǵan saıasatty "adam quqyqtarynyń qorqynyshty jaǵdaıy" dep sıpattady.

Qytaı kún panelderi úshin materıaldardyń kóp bóligin qamtamasyz etetin Shyńjańdaǵy zań buzýshylyqtardy joqqa shyǵarady, biraq AQSH úkimeti men kóptegen quqyq qorǵaý uıymdary "Beıjiń Shyńjańda genosıd jasap jatyr" dep sanaıdy.

Respýblıkashyldar Baıdenniń demokrattaryn zań jobasyn baıaý júrgizdi dep aıyptaıdy.

AQSH úkimeti "Shyńjańdaǵy musylman azshylyqtardy basyp-janshýǵa qatysy bar jáne áskerı kúshterge kómektesti" dep aıyptap, Qytaıdyń ondaǵan kompanıasyna ınvestısıa men eksportqa shekteý qoıǵan.