Reseı qorǵanys mınıstrligi eki "Tý-22M3" ushaǵy "Belarýs áýe kúshterimen birlesken tapsyrmalar kórsetý" jattyǵýy úshin tórt saǵattyq mısıany oryndaǵanyn habarlady.

Iadrolyq qarýǵa qabiletti reseılik uzaq qashyqtyqqa ushatyn bombalaýshy ushaqtar Belarýs aspanynda ushty. Mamandar muny batyspen ara-qatynas shıelenisken jaǵdaıda Máskeý men Mınsk arasyndaǵy tyǵyz qorǵanys baılanystaryn kórsetý úshin jasalǵanyn aıtady.

Batys elderi "Ýkraınaǵa jaqyn jerde Reseı áskerin jınap jatyr. Máskeý Ýkraınaǵa basyp kirý qaýpi bar" dep alańdaıdy.

Máskeý shabýyl jasaý josparyn joqqa shyǵarady, biraq NATO-nyń Ýkraınaǵa keńeıýine qarsy ekenin málimdep, alánsty qarý-jaraǵyn Ýkraınaǵa ornalastyrmaý týraly qaýipsizdikke kepildik berýge shaqyrdy. Alaıda bul talaptardy AQSH pen onyń odaqtastary qabyldamaıtyny anyq.