Teńiz kenishinde "Keleshek keńeıý" jobasynyń aıaqtalýyna baılanysty 2022 jyly 39 myń adam jumystan qysqartylady. Olardyń 45 paıyzy atyraýlyqtar, dep habarlady 24.kz arnasy.

Telearna málimetinshe, keler jyly óńirde jumyssyzdar sany kúrt ósýi múmkin. Jańa jyldyń alǵashqy 3 aıynda 7 myń jumysshy qysqartylady. Onyń 3 myńǵa jýyǵy Atyraý oblysynyń turǵyndary.

Al "Teńizshevroıl" kompanıasy jumyssyzdar sanynyń kúrt ósip ketpeýi úshin sharalar qolǵa alyp jatqanyn aıtady. Kompanıa ókilderi "16 myńnan astam adam kompanıa esebinen oqytyldy" dep otyr.

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Erkebulan Ábilqasymov memlekettik baǵdarlamalar arqyly on eki myńǵa jýyq adamdy jumyspen qamtý kózdelip otyrǵanyn jetkizdi. Sózinshe, munaı hımıa kesheni salasyndaǵy ınvestısıalyq jobalar, jasalyp, endi jasalaıyn dep jatqan jobalar, solardyń qurylysy kezinde jıyrma myńǵa jýyq adam jumyspen qamtylady.