Almatyda Naýryzbaı aýdanynyń "Alma sıtı-5" jáne Alataý aýdanynyń "Mádenıet" turǵyn-úı keshenderinde ornalasqan páterlerdi jumys isteıtin jastarǵa satyp alý quqyǵynsyz jalǵa beretin baǵdarlamaǵa ótinish qabyldaý konkýrsynyń nátıjesi shyqty.

Konkýrstan ótkenderdiń, jalpy úmitkerlerdiń, konkýrstan ótpeı qalǵandardyń tizimi tómendegideı.

1.Eń kóp upaı jınaǵan 1050 úmitkerdiń tizimi;
2. Úmitkerlerdiń jalpy tizimi;
3. Erejeniń talaptaryna sáıkes kelmeýine baılanysty qabyldanbaǵan ótinish berýshilerdiń tizimi.

Aldaǵy ýaqytta eń kóp upaı jınaǵan 1050 úmitkermen turǵyn úıdi jaldaý sharty jasalady.

Úmitker páterden bas tartqan jaǵdaıda, turǵyn úı jalpy tizim boıynsha kelesi úmitkerge usynylady.

Qosymsha suraqtar boıynsha tómendegi telefondarǵa habarlasýǵa bolady.

8 727 225 14 52, 8 727 225 14 07.

Almaty qalasynda sońǵy 3 jyl boıy jumys isteıtin jastarǵa 5 jylǵa satyp alý quqyǵynsyz páter berý baǵdarlamasy iske asyrylyp keledi. Pátárdiń aı saıynǵy arendasynyń quny onyń kólemine baılanysty anyqtalady. Jaldaýaqy shamamen aıyna 5 myń men 15 myń teńge aralyǵyn quraıdy. Komýnaldyq tólemder aqysy bul somaǵa kirmeıdi, ony bólek tóleý kerek.

Baǵdarlamaǵa qatysýshylarǵa qoıylatyn negizgi talaptar:

– 29 jasqa tolmaǵan, mektep, tehnıkalyq jáne orta bilimi bar nemese joǵary oqý ornyn támamdap jumys istep júrýge tıis;

– Sońǵy 2 jylda Almaty qalasynda tirkeýde turýy kerek;

– Jeke basynda úıi joq bolýy mindetti;

– Bankte jınaq shottyń bolýy mindetti.

– Sońǵy 6 aıda úmitkerlerdiń aı saıynǵy jalaqysy 40 AEK-ten joǵary bolýy tıis – 116 680 teńge.