Energetıka mınıstri Maǵzum Myrzaǵalıev Teńiz kenishinde "Keleshek keńeıý" jobasynyń aıaqtalýyna baılanysty 2022 jyly 39 myń adam jumystan qysqartylatynyn rastady.
Mınıstr mundaı jaǵdaıdy zańdy ekenin, kez kelgen jobanyń basy men sońy bolatynyn jetkizdi.
– Bul shynymen de solaı. Teńizdi keńeıtý jobasy aıaqtalýǵa jaqyn. Jergilikti organdar men úkimettiń mindeti adamdardy jumysqa ornalastyrý. Jobanyń bastalyp, aqtalyp jatýy tabıǵı qubylys. Jobalar jalǵasyn tabýy úshin eldiń ınvestısıalyq tartymdylyǵyn qoldaý kerek, – dedi ol.
Mınıstr keler jyly Atyraý oblysynda propılen óndirý zaýyty iske qosylatynyn, Qashaǵan jobasy alǵashqy fazasy aıasynda zaýyt qurý boıynsha jumys bastalǵanyn atap ótti.
Buǵan deıin Teńiz kenishinde "Keleshek keńeıý" jobasynyń aıaqtalýyna baılanysty 2022 jyly 39 myń adam jumystan qysqartylatyny, olardyń 45 paıyzy atyraýlyqtar ekeni habarlanǵan.
Jańa jyldyń alǵashqy 3 aıynda 7 myń jumysshy qysqartylmaq. Onyńń 3 myńǵa jýyǵy Atyraý oblysynyń turǵyndary.
Pikir qaldyrý