"Shyńjańdaǵy qazaq, uıǵyr máselesi". Qytaı AQSH sheneýnikterine sanksıa jarıalady

/image/2021/12/21/crop-4_5_597x791_145045663300.png

Qytaı AQSH sheneýnikterine sanksıa jarıalady. Buǵan deıin Beıjińniń Shyńjańdaǵy qazaq, uıǵyr sıaqty azshylyqtarǵa júrgizgen saıasatyna qarsy Vashıngton sanksıalar jarıalaǵan. Kóp ótpeı AQSH-tyń dinı bostandyqty baqylaıtyn úkimettik komısıasynyń tórt múshesine Beıjiń sanksıa jarıalady.

Seısenbi kúngi kezekti baspasóz máslıhatynda sóılegen sózinde Qytaı syrtqy ister mınıstrliginiń resmı ókili Chjao Lıszán Amerıka Qurama Shtattarynyń Halyqaralyq dinı bostandyq jónindegi komısıasynyń tóraıymy Nadın Maenza, tóraǵa orynbasary Nýrı Týrkel jáne komısıa músheleri Anýrıma Bhargava men Djeıms Karrge sanksıa salynǵanyn málimdedi.

Komısıa Qurama Shtattardan tys jerlerde dinı senim bostandyǵyn baqylaıdy jáne AQSH prezıdentine, memlekettik hatshysyna jáne Kongreske saıası usynystar jasaıdy.

Taıaýda AQSH senaty Qytaıdyń Shyńjań aımaǵynan keletin ımportqa tyıym salý týraly zań jobasyn qabyldaǵan. Bul – "Beıjińniń Shyńjańdaǵy uıǵyr, qazaq sıaqty musylman azshylyǵyna jasaǵan qatal saıasatyna qarsy Vashıngtonnyń jaýaby" dep sanaldy.

Sonymen qatar, AQSH, Avstralıa, Ulybrıtanıa jáne Kanada Beıjiń qysqy Olımpıada oıyndaryna dıplomatıalyq boıkot jarıalap, óz mınıstrlerin jibermeıtinin málimdegen

AQSH prezıdenti Djo Baıden aldyńǵy aıda Beıjiń olımpıadalyq sport oıyndaryna boıkot jarıalaý jospary bar ekenin málimdegen. Keıinirek AQSH Beıjiń Olımıpıadasyna boıkot jarıalaǵan alǵashqy el atandy.

Vashıngtonnyń bul áreketinen kóp ótpeı Beıjiń AQSH-ty aıyptady

Keıinirek BBC "Beıjiń-2022 boıkotynyń qanshalyqty mańyzy bar" ekendigi týraly saraptama maqala jarıalady.

Halyqaralyq uıymdar jáne kóptegen demokratıalyq elder Qytaıdy "Shyńjań avtonomıasynda turatyn uıǵyr, qazaq sıaqty musylman azshylyqtaryna genosıd jasady" dep aıyptaıdy.

Sonymen qatar, Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıe tústi.

 
Qatysty tegter :

Pikir qaldyrý

Qatysty Maqalalar