Nur-Sultan qalasynyń sanıtarıalyq-epıdemıologıalyq baqylaý departamenti qala qaıtadan "sary" aımaqqa oralýy múmkin ekenin málimdedi.

15 jeltoqsannan bastap elorda "jasyl" aımaqta. Alaıda búgingi kúni koronavırýs ınfeksıasynyń taralý qarqyny boıynsha Nur-Sultan qalasynda RT reprodýktıvti sany – 0,993 quraıdy, ıaǵnı 1,0-ge óte jaqyn, odan asyp ketken jaǵdaıda qala "sary" aımaqqa kóshedi. RT reprodýktıvti sany aımaqtardy anyqtaý krıterııleriniń biri.

Aptalyq aýyrǵandar kórsetkishin salystyra otyryp, aýrýdyń ósýi baıqalady, sol sebepten Rt sany da ósýde. Mysaly, 17 jeltoqsanda -532 jaǵdaı , 18 jeltoqsanda – 536, 19 jeltoqsanda – 521, 20 jeltoqsanda – 545 jáne 21 jeltoqsanda aptasyna 552 jaǵdaı tirkelgen. Elorda 7 kún boıy "jasyl" aımaqta bolǵannan keıin qosymsha jeńildikter engizilýi kerek edi. Alaıda, merekeden keıingi turaqsyz jaǵdaıdy eskere otyryp, epıdemıologıalyq jaǵdaıdy taǵy birneshe kún baqylaý josparlanýda. Eger ınfeksıa boıynsha turǵyndardyń shaǵymdary kóbeımese, onda sáıkesinshe jeńildetýler engiziledi.

Nur-Sultan qalasynyń sanıtarlyq-epıdemıologıalyq baqylaý departamenti burynǵydaı maska rejımin, áleýmettik qashyqtyqty saqtaýǵa, jappaı is-sharalarǵa qatyspaýǵa shaqyrady. 

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, "Sary" aımaqta Pavlodar, Soltústik Qazaqstan oblystary ornalasqan.

"Jasyl" aımaqta: Nur-Sultan, Almaty, Shymkent qalalary, Aqmola, Atyraý, Aqtóbe, Almaty, Batys Qazaqstan, Túrkistan, Jambyl, Qyzylorda, Qaraǵandy, Qostanaı, Mańǵystaý, Shyǵys Qazaqstan oblystary.