Parlament májilisiniń depýtaty Qazybek Isa premer-mınıstrdiń orynbasary Eraly Toǵjanovqa Alash kósemi Ahmet Baıtursynulynyń 150 jyldyǵyna baılanysty depýtattyq saýal joldady.

Depýtat mereıtoıǵa baılanysty úkimet komısıa quryp, jumys josparyn jasaǵanyna qaramastan, Ahmet Baıtursynulyn ulyqtaý maqsatynda jasalýǵa tıis sharalar jetkilikti dep sanaıdy.

Qazbek Isa qaıratkerdiń týǵan jeri Qostanaı qalasyndaǵy áýejaıǵa Ahmet Baıtursynulynyń atyn berý kerektigin, barlyq oblys ortalyqtarynda eskertkish qoıyp, Túrkıada Ankarada, Reseıde Orynborda, Ózbekstanda Tashkentte, Ázirbaıjanda Bakýde eskertkishterin ornatýǵa qol jetkizý kerektigin aıtady.

Depýtat Aqjol fraksıasynyń atynan tómendegideı usynystar bildirgen. 

1. Ahmet Baıtursynulynyń týǵan aýdany men aýylyn jandandyrý úshin týǵan jerinde memorıaldyq keshen salý kerek.

2. Ahmet Baıtursynulynyń týǵan aýylyna jol salynýy kerek.

3. Ahańdaı uly tulǵany dúnıege syılaǵan Baıtursyn babamyzdyń qaraýsyz qalǵan, aıanyshty kúıdegi qabiri men qorymyn qolǵa alý kerek.

4. Qostanaıdaǵy áýejaıǵa Ahmet Baıtursynuly atyn berý kerek.

5. Almatydaǵy Ahmet Baıtursynuly MÝZEI-ÚIİNE ulttyq statýs berilip, shtat sany sheshilip, MEMLEKET qamqorlyǵyna alynýy kerek.

6. Osy mýzeı-úı janyndaǵy jer telimine ALASH ÚIİ ǵımaratyn salý, Alash Arystary murasyn keshendi zertteý ortalyǵyn uıymdastyrý;

7. Almatydaǵy Ahmet Baıtursynuly saıabaǵyna (1998 j) tarıhı tulǵanyń EŃSELİ eskertkishin qoıý;

8. Ahmet Baıtursynuly atyndaǵy Til bilimi ınstıtýtyna aıryqsha statýs, qarjylyq qoldaý qajet.

9. Almatydaǵy Ahmet Baıtursynuly atyndaǵy TİL BİLİMİ INSTITÝTY ǵımaratynyń aldyna ǵalymnyń eskertkishin ornatý.

10. Kelesi jyl – IýNESKO boıynsha Ahmet Baıtursynuly jyly bolǵandyqtan, til atasy qurmetine elimizde kelesi 2022 jyl – Memlekettik til jyl bolýy tıis.

11. Astanamyz ben barlyq oblys ortalyqtarynda Ahańnyń eskertkishi turýy tıis! Reseıde Orynborda, Ankarada, Tashkentte, Bakýde eskertkishterin ornatý kerek.

12. Elimizdiń astanasynda Ahań atyndaǵy kóp salaly mádenı-tanymdyq ortalyq ashylýy tıis.

13. Ahańnyń asyl muralaryn Túrki álemine nasıhattaý jumysy jolǵa qoıylýy kerek.

14. "Qazaq" gazetiniń 7 tomdyǵyn, "Aıqap" jýrnalynyń 5 tomdyǵyn, "Saryarqa" gazetiniń 1 tomdyǵyn shyǵarý kerek.

15. Til bilimi ınstıtýty astyndaǵy "Marka" geı-klýby, "Barvıha" túngi klýbtaryn jabý kerek.