Atyraý oblysy ákiminiń orynbasary Baqytgúl Hamenova tergeý ızolátoryna qamaldy. Bul týraly Aq Jaıyq basylymy habarlady.

Basylym taratqan aqparatqa qaraǵanda, 22 jeltoqsanda Atyraý oblystyq soty Baqytgúl Hamenovany eki aıǵa qamaýǵa alýǵa sanksıa bergen. Endi ol sotqa deıin tergeý ızolátorynda bolady.

Hamenovany tutqyndaý týraly suraýdy Atyraý oblysynyń prokýratýrasy salǵan.

Eske sala keteıik, 10 jeltoqsan kúni Atyraý oblysy ákiminiń orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıev 4,5 mln teńge kóleminde para aldy degen kúdikpen ustalǵan. Olar  Abaı eskertkishin ornatýǵa memlekettik satyp alý shartyn jasaǵany úshin 4,5 mıllıon teńge kóleminde para aldy degen kúdikke ilingen.

Keıin 12 jeltoqsanda Atyraý qalasynyń mamandandyrylǵan tergeý soty Hamenovany úıqamaqqa alý týraly sheshim shyǵarǵan. Qazir atalǵan is qylmystyq kodekstiń 366-baby 2-bóligi (qomaqty mólsherde para alý) boıynsha tergelip jatyr.