AQSH prezıdenti Djo Baıden "densaýlyǵy jaqsy" bolsa, 2024 jyly saılaýǵa qaıta túsetinin jáne Donald Trampqa básekeles bolýǵa daıyn ekenin aıtty.

Prezıdent Aq úıde taǵy tórt jyl qyzmet etýge tyrysatyny týraly burynǵy pikirin rastaı otyryp, ABC telearnasynyń júrgizýshi Devıd Mýırge bergen suhbatynda densaýlyǵy nasharlamasa, qaıta saılaýǵa túsetinin jetkizdi.

"Eger burynǵy prezıdent (Donald Tramp) Respýblıkalyq partıadan úmitker bolsa, onymen básekege túsesiz be?" degen suraqqa Baıden kúlip, "básekege baratynyn" aıtty.

"Kandıdat retinde Donald Trampqa qarsy nege shyqpasqa..." dedi Baıden. 

79 jastaǵy Baıden "Iá. qarańyzshy, men taǵdyrdy qurmetteımin, taǵdyr meniń ómirime talaı ret aralasty. Densaýlyǵym jaqsy bolsa, shynymen men qaıtadan (prezıdenttikke) úmitker bolamyn" dedi Baıden.

Buǵan deıin AQSH-tyń eks-prezıdenti Donald Tramp 2024 jyly saılaýǵa túsýi múmkin ekenin aıtqan.