Batys Qazaqstan oblysy sanıtarlyq-epıdemıologıalyq baqylaý departamenti óńirde "Omıkron" shtamy tabylǵany týraly jelide taraǵan aqparatty joqqa shyǵardy.

– Messendjerlerde tarap ketken ol aqparat – feık. Oblysta "Omıkron" shtamy tirkelgen joq. Degenmen COVID-19 epıdemıologıalyq qadaǵalaý júıesinde SARS-COV-2 jańa nusqalaryn ýaqtyly anyqtaýdyń mańyzdylyǵyn eskere otyryp, kovıd tabylǵan naýqastardyń oń nátıje qorytyndylary Nur-Sultan qalasyndaǵy Ulttyq saraptama ortalyǵyna jiberildi. Ol synamalar zerttelip jatyr. Nátıjeleri áli daıyn emes, – dedi oblystyń sanıtarlyq-epıdemıologıalyq departamenti basshysynyń orynbasary Gúldana Kereeva.

Vedomstvo mamandarynyń aıtýynsha, atalmysh aqparatty jarıalaǵan aqparat quralynyń basshysy oqyrmandardan keshirim surap, málimetti resýrstardan alyp tastaǵan.

Buǵan deıin "Ýralskaıa nedelá" basylymy BQO-da "Omıkron" shtamy tabylǵanyn habarlap, keıin aqparatty Telegram kanalynan óshirgen.