Almaty qalasy Sanıtarıalyq-epıdemıologıalyq baqylaý departamenti basshysy, Almaty qalasynyń bas sanıtar dárigeri Jandarbek Bekshın qyzmetinen ketetinin málimdedi.

27 jeltoqsannan bastap Jandarbek Bekshın demalysqa shyǵady, 5 qańtardan bastap zeınetke shyǵýyna baılanysty qyzmetinen ketedi.

– Meniń kelisimshartym aıaqtaldy. "Memlekettik qyzmet týraly" zańǵa sáıkes zeınetkerlerdiń jumys merzimi bir jylǵa uzartylady. Men ekinshi ret uzarttym. Qańtarda ketemin, – dedi Jandarbek Bekshın.

Bekshınniń otstavkasynan keıin Almaty qalasynyń bas sanıtar dárigeri jáne sanıtarlyq-epıdemıologıalyq baqylaý departamentiniń basshysy qyzmetin Qarlyǵash Ábdijabbarova atqarady. Ol qazir Almaty qalalyq SSK orynbasary.

Jandarbek Bekshın Almaty qalasynyń bas sanıtar dárigeri qyzmetine 2020 jylǵy 18 sáýirde taǵaıyndalǵan bolatyn.