– Búgingi kúni zańnamada memleketik qyzmetshige qosymsha jumyspen aınalysýǵa ruqsat beretin norma joq. Biraq biz bolashaqta zańǵa engizýdi oılastyryp jatyrmyz. Iaǵnı jumystan bos kezinde qosymsha jumyspen aınalysýǵa bolady dep kirgizemiz. Dál qazir zańnamada bul joq. Biraq biz daıyndap jatyrmyz, – dedi agenttik basshysy.

Ol memlekettik qyzmetshi jumystan tys ýaqytta kásipkerlikke jatpaıtyn qyzmet túrlerin usyný arqyly tabys taba alýǵa tıis dep sanaıdy.

– Nelikten olarǵa qosymsha jumys isteýge bolmaıdy? Bolady. Biraq kásipkerlikpen emes. Mysaly, jumystan bos kezinde taksıst bolyp jumys isteýge bolady degen sıaqty. Otbasyn asyraýǵa qosymsha qarajat kerek bolsa, soǵan ruqsat beretindeı zańnamalyq ózgerister daıyndap jatyrmyz. Biraq ol áli qabyldanǵan joq. Al kásipkerlikpen aınalysýǵa bolmaıdy, – dedi Anar Jaıylǵanova.

Qazaqstan Respýblıkasy memlekettik qyzmet týraly zańynyń 1-taraý 13-baby 3-bóligine saı, memlekettik qyzmetshi ge kásipkerlik qyzmetpen aınalysýǵa, komersıalyq uıymdy basqarýǵa tyıym salynǵan.