Bilim jáne ǵylym mınıstri Asqat Aımaǵambetov 2022 jyly erekshe bilim berý qajettilikteri bar talapkerlerge UBT tapsyrý úshin qosymsha ýaqyt beriletinin málimdedi.

– Kelesi jyly kórý, estý, tirek-qımyl apparatynyń fýnksıalary buzylǵan oqýǵa túsýshiler negizgi 240 mınýttan basqa testileý tapsyrmalaryn oryndaý úshin qosymsha 40 mınýt alady. Iaǵnı, olar UBT - ny basqalarǵa qaraǵanda uzaǵyraq - 4 saǵat 40 mınýt ishinde tapsyra alady, – dedi mınıstr.

Ulttyq testileý ortalyǵynyń dırektory Rýslan Emelbaevtyń sózinshe, erekshe qajettilikteri bar talapkerlerge arnalǵan tapsyrmalardyń mazmunyna da ózgerister engiziledi.

​– Biz úshin jumystyń eń basty baǵyty talapkerlerdiń múddeleri bolyp tabylady. Biz UBT-ny jylyna birneshe ret ótkizemiz. Jáne de talapkerlerdiń, sonyń ishinde erekshe bilim berý qajettilikteri bar talapkerlerdiń testileýdi yńǵaıly tapsyrýy úshin jaǵdaı jasaýdy jalǵastyramyz. Olar úshin UBT tapsyrý ýaqyty taǵy 40 mınýtqa uzartylady. Erekshe qajettilikteri bar talapkerlerge arnalǵan tapsyrmalardyń mazmunyna da ózgerister engiziledi. Olar úshin syzbalarsyz, dıagramlarsyz test nusqalary jasaldy. Osyǵan deıin bilim jáne ǵylym mınıstri A.Aımaǵambetov bizge osyndaı tapsyrma bergen bolatyn. Bul ózgerister olar úshin UBT - dan ótýdi aıtarlyqtaı jeńildetedi, — dep atap ótti Rýslan Emelbaev.

Sondaı-aq testileýdi tapsyrý kezinde ashyqtyq qaǵıdaty qamtamasyz etiledi. Kelesi jyly testileý "1 kompúter - 2 kamera - 1 testilenýshi" qaǵıdaty boıynsha júrgiziledi.

Oqýǵa túsýshiniń jumys ornynda negizgi kameradan basqa, testilenýshiniń dybysyn jazý jáne qozǵalysyn tirkeý úshin qosymsha aldyńǵy veb-kamera ornatylady.

Frontaldy veb-kamera oqýǵa túsýshiniń jeke basyn sáıkestendirýge jáne UBT kezinde bógde adamdardyń kirýin boldyrmaýǵa múmkindik beredi.

Aıta keteıik, 2022 jyly UBT elektrondy formatta ótedi. Oqýǵa túsýshiler dástúrli túrde 3 mindetti pándi (Qazaqstan tarıhy, matematıkalyq saýattylyq, oqý saýattylyǵy) jáne 2 beıindi pándi tapsyrady.