Almaty balabaqshalarynyń birinde balalardy urdy dep aıyptalǵan tárbıeshi ózine qol jumsaǵany habarlandy. Aqparatty qalalyq polısıa departamenti rastady.
"Almaty qalalyq polısıa departamenti 1979 jyly týǵan azamat B-nyń ózine qol jumsaǵanyn rastap otyr. Qazirgi ýaqytta Jetisý aýdandyq polısıa departamenti Qylmystyq kodekstiń 105-baby (Ózin-ózi óltirýge deıin jetkizý) boıynsha sotqa deıingi tergeýdi bastady. Qazir istiń mán-jaıy anyqtalýda" delingen aqparatta.
Buǵan deıin Almatydaǵy jekemenshik balabaqshalardyń birinde tárbıeshi balalardy uryp jatqan vıdeo jelide taralyp, úlken rezonans týdyrǵan. Keıin atalǵan oqıǵaǵa qatysty balalardyń ata-analary shaǵymdanyp, tárbıeshiniń kinási dáleldense 3 jylǵa deıin bas bostandyǵynan aıyrylýy múmkin ekeni habarlanǵan.
Búgin Almaty qalalyq polısıa departamenti atalǵan oqıǵa boıynsha Qylmystyq kodekstiń 140-baby 2-tarmaǵyna (kámeletke tolmaǵan adamǵa qatygezdik tanytý) saı, tergeý bastap, tárbıeshiden túsinik alǵan.
