Almatyda 19 jastaǵy Aıajan Edilovany óltirdi dep aıyptalǵan qylmyskerge sot úkimi shyqty.

Sot Almaty qalasynyń qylmystyq ister jónindegi mamandandyrylǵan aýdanaralyq sotynda jabyq jaǵdaıda ótti.

– Sottalýshy Tórebekovke Qylmystyq kodekstiń 120-baby (zorlaý) boıynsha 11 jylǵa bas bostandyǵynan aıyrý, al 99-baby (Adam óltirý) boıynsha 19 jylǵa bas bostandyǵynan aıyrý jazasy taǵaıyndalsyn. Sottalýshy 25 jylǵa bas bostandyǵynan aıyrylady, – dedi sýdıa Erkin Maıshınov.

Jábirlenýshiler kúdiktiden 26 mlrd  teńge túrindegi moraldyq shyǵyn óteýdi suraǵan. Sot talapty ishinara qanaǵattandyryp Tórebekovty 20 mln teńge kóleminde moraldyq shyǵyn tóleýge mindettedi.

Eske salsaq, 2021 jyldyń 19 naýryzynda jumystan shyqqan Aıajan Edilova, sol kúıi úıine oralmaǵan. Qyzdyń joǵalǵany týraly habar 20 naýryzda tarady. Tanystary ony sońǵy ret jumysta kórgen. İzdeý jumystary birneshe kúnge sozylyp, 22 naýryzda ony asa qatygezdikpen óltirgeni belgili boldy. Boıjetkenniń bólshektelgen denesi Nurkent yqshamaýdanyndaǵy páterlerdiń birinen tabylǵan. 

Aıajannyń ólimine kúdikti retinde er adam ustalǵan. Ol jábirlenýshimen birge kireberiste beınebaqylaý kameralaryna túsip qalǵan. Kúdikti 1993 jylǵy Túrkistan oblysynda týmasy.