5 qańtardan bastap elde birqatar jekelegen nysandarda jańa shekteýler kúshine enedi.

"Qazaqstannyń bas  sanıtar dárigeri Erlan Qıasovtyń qaýlysy boıynsha jumys jáne demalys kúnderin saýda jáne oıyn-saýyq ortalyqtaryna, saýda úılerine, saýda jelilerine (azyq-túlik emes, saýda alańy 6000 sharshy metrden astam nysandarǵa), karaokege kelýshiler men qyzmetkerler úshin kirý "jasyl" mártebe (vaksınasıa, synama alynǵan sátten bastap 7 kúnnen aspaıtyn teris nátıjesi bar PTR synamasy, turaqty medısınalyq qarsy kórsetilimderi bar, keıingi 3 aı ishinde aýyryp saýyqqandar) bolǵan jaǵdaıda ruqsat etiledi" delingen habarlamada.

"Omıkron" shtammynyń taralýyna baılanysty elde qatań sharalar qabyldanyp jatyr. Búginde koronavırýstyń bul shtammy álemniń 110 elinde anyqtalǵan.